भक्तपुर नगरपालिकाले नगरपालिकास्तरीय विपद् जोखिम न्युनीकरणसम्बन्धी सचेतना कार्यक्रम आयोजना गरेको छ । बिहीबार आयोजित सो कार्यक्रममा सञ्चारमाध्यममार्फत विपद् न्युनीकरणबारे व्यापक प्रचार–प्रसार गर्न आवश्यकता रहेको बताए ।

भक्तपुर नगरपालिकाका प्रमुख सुनिल प्रजापतिले नगरपालिकाले नेपाली सेनासँग सहकार्य गरी नगरबासी युवाहरुलाई तीन चरणमा १२२ जनालाई विपद् व्यवस्थापन न्युनीकरणसम्बन्धी तालिम प्रदान गरिसकेको कार्यक्रममार्फत जानकारी दिए ।

उनले विद्यार्थी, युवाहरु बढी भएको ठाउँमा सचेतना कार्यक्रम आवश्यक भएको बताए । प्रमुख प्रजापतिले व्यक्तिगत फाइदा भन्दा संस्थागत फाइदा पुग्ने कामलाई प्राथमिकतामा राख्नुपर्ने भन्दै नपालाई कार्यक्षेत्र बनाएका संघ–संस्थाहरुले पारदर्शितामा ध्यान पुर्याउनुपर्ने बताएका छन् ।

विपद् जुनसुकै ठाउँ र समयमा आउन सक्ने भएकोले समुदायका व्यक्तिहरुलाई सचेत गर्दै विपद् व्यवस्थापनमा सहजिकरण गर्न उपयुक्त हुने भक्तपुर नगरपालिकाका उपप्रमुख रजनी जोशीको भनाई छ ।

कार्यक्रममा भक्तपुर नपा वडा नं ९ का वडाध्यक्ष रबिन्द्र ज्याख्व, रेडक्रस सोसाइटी प्रदेश नं. ३ का उपाध्यक्ष कृष्णेश्वरी हाडाले पनि बोलेका थिए । उत्थानशील नगर प्रबद्र्धन र सहभागिता कार्यक्रमका संयोजक निलम ढुंगानाले उत्थानशील नगर प्रबद्र्धन सम्बन्धी प्रस्तुतिकरण गरेका थिए ।