News Portal

  • भक्तपुर बहुमुखी क्याम्पसले पायो नयाँ भवन : लायन्स क्लबकी डा. हिलद्वारा हस्तान्तरण

    भक्तपुर, १८ पुस
    ११७३ पटक
    भक्तपुर, १८ पुस

    लायन्स क्लब इन्टरनेशनलको अनुदानमा निर्मित भक्तपुर बहुमुखी क्याम्पसको नयाँ भवन हस्तान्तरण गरिएको छ ।  क्लबकी तृतीय प्रमुख डा पेट्टी हिलले भवन हस्तान्तरण गरेकी हुन् ।

    शुक्रवार भक्तपुरको दुधपाटीस्थित क्याम्पस प्रांगणमा एक विशेष कार्यक्रमका बीच भवन हस्तान्तरण भएको हो । लायन्स क्लब इन्टरनेशनलको तर्फबाट ‘थर्ड प्रेसिडेन्ट’ डा पेट्टी हिलले भक्तपुर बहुमुखी क्याम्पसका प्रमुख डा कृष्णप्रसाद पोखरेललाई सांकेतिक साचो प्रदान गर्दै भवन हस्तान्तरण गरिएको थियो ।

    उक्त अवसरमा बोल्दै शिक्षा एवं बाल मनोविद समेत रहेकी डा हिलले क्याम्पस भवन बनाउनु भनेको विद्यार्थीको भविष्य बनाउनु भएको भन्दै सन्तोष व्यक्त गरेकी थिइन् । शिक्षा बिना समाज अघि बढ्न नसक्ने भन्दै डा हिलले शिक्षा क्षेत्रमा सबैको हातेमालो आवश्यक रहेको बताइन । नेपालमा लायन्स क्लब इन्टरनेशनलले थप सहयोग गर्ने समेत उनले प्रतिवद्धता प्रकट गरेकी थिइन् । क्यानाडाकी नागरिक डा हिल इटालीमा भएको क्लबको गत निर्वाचनमा लेबनानको प्रतिस्पर्धीलाई पराजित गर्दै थर्ड प्रेसिडेन्ट बनेकी थिइन् । नेपाललाई माया गर्ने डा हिलले भक्तपुरको क्याम्पस भवन बनाउन क्लबको तर्फबाट अनुदानको पहल गरेकी भक्तपुर पोस्टलाई जानकारी प्राप्त भएको छ ।

    लायन्स क्लब इन्टरनेशनलको बहुजिल्ला ३२५ नेपालले दुई करोड छ लाखको लागतमा दुई तलाको आठ कोठे पक्की भवन बनाइदिएको क्याम्पस प्रमुख डा कृष्णप्रसाद पोखरेलले बताए । भवन सगै पठनपाठनमा आवस्यक फर्निचर र शौचालय समेत बनाइदिएको उनको भनाइ छ । नयाँ भवन पाए संगै विद्यार्थीलाई कक्षा कोठाको व्यवस्थापन गर्न सजिलो हुने क्याम्पस प्रमुख पोखरेलले बताए ।

    भवन हस्तान्तरण पछि डा पेट्टी हिलले रिबन काटेर नवनिर्मित भवनको उद्घाटन समेत गरेकी थिइन् । उक्त भवन हस्तान्तरण र उद्घाटन कार्यक्रममा उनका श्रीमान् समेत सहभागी भएका थिए । त्यसैगरी क्लबका नेपाल प्रेसिडेन्ट लगायत व्यक्तित्वहरु, भक्तपुर क्याम्पसका प्राध्यापक तथा कर्मचारीहरु, शिक्षाप्रेमी र विद्यार्थीहरु वर्षाको बाबजुद कार्यक्रममा सहभागी बनेका थिए ।

    भक्तपुर पोस्टको फेसबुक पेज लाइक गर्नुभयो ?

     

    प्रतिकृया दिनुहोस्

    मध्यपुर थिमिमा जेष्ठ नागरिक र गर्भवतीलाई नि:शुल्क वडागत स्वास्थ्य सेवा शुरु

    भक्तपुरको मध्यपुर थिमि नगरपालिकाले जेष्ठ नागरिक र गर्भवती महिलाहरुको लागि नि:शुल्क वडागत स्वास्थ्य सेवा शुभारम्भ...

    साथीको घरमा युवकको शव फेला

    भक्तपुरको चाँगुनारायण– ४ मा एक युवक मृत फेला परेका छन् । १९ वर्षीय निरोज लामा...

    चाँगुनारायणमा ५० जनालाई झोल साबुन बनाउने तालिम

    प्रमुख प्रतिपक्षी दल नेकपा (माओवादी केन्द्र) को महिला संगठन अनेमसंघ (क्रान्तिकारी)ले चाँगुनारायणमा सिपयुक्त स्वरोजगार गृहिणी...

    भारतमा नेपाली विद्यार्थीमाथि दमन भएको भन्दै भक्तपुरमा बिरोध प्रदर्शन

    भारतको ओडिसा राज्यको राजधानी भुवनेश्वरस्थित कलिंगा इन्स्टिच्युट अफ इन्डस्ट्रियल टेक्नोलोजी (केआईआईटी) विश्वविद्यालयमा अध्ययनरत एक नेपाली...

    कुकुरलाई हेर्ने दृष्टिकोण बदलौँ !

    “कुकुर” समाजमा हुने अरु प्राणीसरह नै हो । अझ भन्ने हो भने कुकुरको काम अरू...