News Portal

  • गुणस्तरयुक्त कफीको माग बढाउंदै विदेशी

    २८ पुस
    १२७५ पटक
    २८ पुस

    दमौली । तनहुँमा उत्पादित कफी अमेरिका, जापान र कोरीया निर्यात भईरहेको छ । तनहुँ कफी उत्पादक कृषि सहकारी संघका अनुसार तनहुँमा उत्पादित कफी ती मुलुकमा निर्यात भईरहेको छ । तनहुँको कफी निकै गुणस्तरयुक्त भएको कारण विदेशमा बढि माग भएको तनहुँ कफी उत्पादक कृषि सहकारी संघका अध्यक्ष शिव बोहोराले बताए । विगत एक दशकदेखी तनहुँको कफी तेश्रो मुलुकमा निर्यात हुने गरेको बोहोराले जानकारी दिए ।

    तनहुँको कफी उच्च गुणस्तरयुक्त रहेको विदेश निर्यात गर्ने निकायले जानकारी दिएको र ल्याव टेष्टबाट पनि प्रमाणित भएको बोहोराले बताए । राष्ट्रिय चीया तथा कफी विकास बोर्डको समन्वयमा तनहुँमा उत्पादित कफी तेश्रो मुलुक निर्यात गरिदै आएको उनले जानकारी दिए । जिल्ला भर रहेका १२ वटा कफी उत्पादक कृषी सहकारी संस्था मार्फत र व्यक्तिगत रुपमा उत्पादन भएका कफी जिल्ला कृषि सहकारी संघ मार्फत राष्ट्रिय चीया तथा कफी विकास बोर्डको समन्वयमा तेश्रो मुलुक निर्यात हुने गरेको बोहोराले बताए ।

    तनहुँमा भानु नगरपालिकामा सबैभन्दा बढि कफी उत्पादन हुने गरेको छ । उक्त वडामा मात्र १० वटा कफी उत्पादन गर्ने सहकारी संस्थाहरु क्रियाशिल रहेको अध्यक्ष बोहोराले जानकारी दिए । त्यसबाहेक बन्दिपुर र देवघाट गाउँपालिकामा पनि कफी उत्पादन गर्ने सहकारी र कृषक क्रियाशिल छन् । बोहोराले भानु नपाको वडा नम्बर १० चोक चिसापानीमा चार रोपनी जग्गामा व्यवसायी कफी खेती गरेका छन । उनि विगत १७ बर्षदेखी कफी खेतीमा संलग्न छन । अन्य बाली भन्दा कफीमा आम्दानी धेरै हुने भएकोले आफु कफी खेतीमा लागेको उनले बताए ।

    एउटा बोटबाट एक वर्षमा कम्तीमा एक हजार रुपैयाँ सम्म आम्दानी हुने गरेको बोहोराको अनुभव छ । हेल्भेटासको सहयोगमा गाउँमै स्थापना गरिएका संकलन केन्द्रमा कफी संकलन गरि उक्त केन्द्र मार्फत नै भुक्तानी दिने व्यवस्था मिलाईएको छ । प्रत्येक प्रराम्भिक सहकारी संस्थामा राखिएका पल्पर मेसिन मार्फत कफीको प्रशोधन गर्ने व्यवस्था समेत मिलाईएको बोहोराले जानकारी दिए ।

    समुन्द्री सतहबाट एक हजार देखी दुई हजार मिटरको उचाईको जमिन कफी उत्पादनको लागि योग्य रहेको अर्का कफी कृषक कृष्णबहादुर खड्काले जानकारी दिए । खड्काले चार रोपनी क्षेत्रफलको जग्गामा कफीको नर्सरी समेत स्थापना गरेका छन । नर्सरीमा उत्पादित कफीका विरुवा सबै कफीका प्रराम्भिक सहकारीले नै खरिद गरि कृषकहरुलाई विक्री गर्ने खड्काले जानकारी दिए।

    तनहुँमा हाल ४१ हेक्टर जमिनमा कफीको खेती हुने गरेको कृषि ज्ञानकेन्द्र तनहुँले जनाएको छ । तनहुँमा वार्षिक १५ मेट्रिक टन ग्रीन विन कफी उत्पादन हुने कृषि ज्ञान केन्द्र तनहुँका प्रमुख कुलप्रसाद तिवारीले जानकारी दिए । जिल्ला भर करिब दुई सय घर परिवार कफी खेतीमा संलग्न रहेको तिवारीले बताए ।

    तनहुँमा २ हजार हेक्टर जमिन कफी खेतीका लागि उपयुक्त रहेको छ । अरु अन्नबाली तथा फलफुलको तुलनामा कफी खेतीबाट धेरै आम्दानी हुने भएकाले कृषकहरु पछिल्लो समय कफी खेती तर्फ आकर्षीत भएको र कृषि ज्ञान केन्द्रले पनि कृषकहरुलाई त्यसतर्फ प्रोत्साहन गरेको तिवारीले बताए ।

    प्रतिकृया दिनुहोस्

    सिरोहियाको पक्षमा उभिए सांसद थापा : ओलीमाथि आक्रोश, प्रचण्डप्रति गुनासो

    नेपाली कांग्रेसका तर्फबाट निर्वाचित भक्तपुर-२ का प्रतिनिधि सभा सदस्य दुर्लभ थापा कान्तिपुर मिडिया ग्रुपका अध्यक्ष...

    अनुमती मागेरै रोए महर्जन

    ललितपुर, १० जेठ २०८१ । मञ्च धुमधामले सजाइएको थियो । छेउमै नौमति बाजा घन्किरहेको थियो...

    स्थानीयले नियन्त्रणमा लिए मालबाहक टिपर

    बिशाल बस्नेत, महोत्तरी । अवैधानिकरुपमा नदीजन्य  पदार्थ ओसारपसार गरिरहेका टिपरहरुलाई स्थानीयहरुले नै नियन्त्रणमा लिएर प्रहरीलाई...

    पुँजीवादीहरु आफ्नो स्वार्थ सिद्ध गर्न प्रेस स्वतन्त्रताको कुरा गर्छन् : बिसंखे

    नेकपा (माओवादी केन्द्र) की स्थायी समिति सदस्य अन्जना बिसंखेले प्रेस स्वतन्त्रता पुँजीवादीहरुको कब्जामा परेको बताएकी...

    पाँचखालमा प्रदेश स्तरीय स्काउट क्याम्प हुने

    काभ्रेको पाँचखालमा प्रदेश स्तरीय वृहत स्काउट क्याम्प हुने भएको छ । नेपाल स्काउट पाँचखाल नगर...