News Portal

  • नेपाली काँग्रेसका भक्तपुर सभापति दुर्लभ थापाले बुझाए प्रजिअ पाण्डेलाई विरोध पत्र

    भक्तपुरपोस्ट संवाददाता भक्तपुर, ५ माघ २०७६
    १५६७ पटक
    भक्तपुर, ५ माघ २०७६

    नेपाली काँग्रेस केन्द्रीय कार्यसमितिको पुस १७ मा बसेको बैठकले सूचना प्रविधि विधेयक तथा नेपाल विशेष सेवा गठन र सञ्चालन सम्बन्धी विधेयकको बिरोध गर्ने निर्णय गरे बमोजिम भक्तपुरमा पनि यसको बिरोध गरिएको छ । आइतबार ७७ वटै जिल्ला प्रशासन कार्यालय मार्फत सरकारलाई विरोध पत्र बुझाउने कार्यक्रम अनुसार भक्तपुरमा पनि बिरोध पत्र बुझाइएको हो ।

    आइतबार नेपाली काँग्रेसका भक्तपुर जिल्ला सभापति दुर्लभ थापाको नेतृत्वमा जिल्ला प्रशासन कार्यालय मार्फत प्रधानमन्त्रीलाई ज्ञापन पत्र बुझाइएको नेतृ उर्मिला वनले बताइन् । उक्त अवसरमा प्रदेश सांसद रजनी जोंछें र कृष्णलाल भडेलसमेत सहभागी भएका थिए ।

    विरोध पत्र बुझाउन दलबल सहित पार्टी कार्यालयबाट जिल्ला प्रशासन कार्यालय पुगेको काँग्रेस टोलीलाई भेट्न प्रमुख जिल्ला अधिकारी हुमकला पाण्डे आफै कार्यालय बाहिर आएकी थिइन् । उनको साथमा जिल्ला प्रहरी प्रमुख रहेका प्रहरी उपरीक्षक सविन प्रधान पनि थिए । पाण्डेमार्फत काँग्रेसका जिल्ला सभापति दुर्लभ थापाले प्रधानमन्त्रीलाई विरोध पत्र बुझाए । पत्र बुझ्दै प्रजिअ पाण्डेले गृहमन्त्रालय मार्फत प्रधानमन्त्री समक्ष पत्र पुर्याइदिने प्रतिवद्धता प्रकट गरेकी थिइन् ।

    वर्तमान सरकारले नागरिकको अभिव्यक्ति स्वतन्त्रता माथि धावा बोलेकोले बिरोधमा उत्रनुको बिकल्प नभएको भक्तपुर जिल्ला सभापति दुर्लभ थापाले जानकारी दिए । नागरिक अधिकारको रक्षा गर्नु काँग्रेसको कर्तब्य भएको भन्दै थापाले कम्युनिस्ट अधिनायकबाद लोकतन्त्रको लागि खतरा भएको बताए । नागरिक अधिकार हनन हुने कुनैपनि कानुन काँग्रेसलाई मान्य नहुने उनको भनाइ छ ।

     

    प्रतिकृया दिनुहोस्

    भक्तपुर जिल्ला अदालतका ३ हजार ६ सय ८१ मुद्दा फर्छ्यौट

    भक्तपुर जिल्ला अदालतमा एक वर्षमा ३ हजार ६ सय ८१ मुद्दा फर्छ्यौट गरिएको बताइएको छ...

    एसईईमा राम्रो नतिजा ल्याउने विद्यार्थी र विद्यालयलाई एनप्याब्सन भक्तपुरको अभिनन्दन

    नेसनल प्याव्सन भक्तपुरले आफ्ना सदस्य विद्यालयहरुबाट यस वर्षको माध्यमिक शिक्षा उतीर्ण परीक्षा (एसईई) मा सम्मिलित...

    प्रधानमन्त्री ओलीसहित २१ मन्त्रीले लिए सपथ

    प्रधानमन्त्री केपी शर्मा ओलीले प्रधानमन्त्रीको शपथ लिएका छन् । सोमबार राष्ट्रपति कार्यालय शीतल निवासमा आयोजित...

    नौ भाषामा दखल भएका रिजाललाई ५० हजार राशीको प्रतिभा पुरस्कार

    भाषा तथा सस्कृतिकर्मी भक्ती रिजाल प्रादेशिक “प्रतिभा” पुरस्कार बाट सम्मानित भएका छन् । रिजाललाई संघीय...

    दुर्लभ थापा मन्त्री बन्ने वा नबन्ने भन्नेबारे यस्तो छ महेश बस्नेतको भनाइ

    mahesh basnet bhaktapur 2

    पूर्व मन्त्री एवं नेकपा एमालेका पोलिटब्युरो सदस्य महेश बस्नेतले भक्तपुर-२ का प्रतिनिधि सभा सदस्य दुर्लभ...