भक्तपुर, ५ माघ २०७६सत्तारुढ दल नेकपाको भ्रातृसंगठन अनेरास्ववियूले जिल्ला नेतृत्वको टुंगो लगाएको छ । केही दिन अघि मात्रै केन्द्रीय सदस्यहरुको टुंगो लगाएको केन्द्रीय नेतृत्वले जिल्लाका संयोजक र सहसंयोजकहरुको टुंगो लगाएको हो ।
पुस २७ र २८ गते काठमाडौंमा सम्पन्न अनेरास्ववियूको नवनिर्मित केन्द्रीय समितिको निर्णयले दिएको कार्यादेश अनुसार संयोजक ऐन महर र सहसंयोजक रंजित तामाड।ले जिल्ला नेतृत्वको टुंगो लगाएका हुन् ।
अनेरास्ववियू र अनेरास्ववियू(क्रान्तिकारी )को एकताबाट बनेको अनेरास्ववियू (ANNISU) ले ७७ वटै जिल्लामा नेतृत्व टुंगो लगाएको छ । पुस २७ र २८ मा सम्पन्न पूर्ण बैठकले टुंगो लगाएको नेतृत्व अनेरास्ववियूले आइतवार सार्वजनिक गरेको हो ।
केन्द्रीय संयोजक ऐन महर र सह संयोजक रंजित तामाङ्गद्वारा हस्ताक्षरित विज्ञप्ती अनुसार भक्तपुर जिल्लाको नेतृत्व भने सुवास तिमल्सिना र विराज थापालाई दिइएको छ । तिमल्सिनालाई संयोजक र थापालाई सह-संयोजकको जिम्मेवारी दिइएको जनाइएको छ ।
संयोजक चयन भएका सुवास पूर्व नेकपा एमालेको विद्यार्थी संगठनका नेता हुन् भने विराज पूर्व माओवादी केन्द्रको विद्यार्थी संगठन अखिल (क्रान्तिकारी) को जिल्ला उपाध्यक्ष रहेका थिए ।
भक्तपुरको नेतृत्वमा चयन भएका दुवै विद्यार्थी नेता कानुनका विद्यार्थी हुन् ।
जिल्लाका संयोजक र सहसंयोजकहरुः
