News Portal

  • जाँदाजाँदै पौडेल भन्नुहुन्छ- माटोको हित चिताएर काम गरौं

    भक्तपुरपोष्ट संवाददाता२० माघ २०७६
    १७१५ पटक
    २० माघ २०७६

     

    काठमाडौं । शिक्षा तथा मानव स्रोत विकास केन्द्रका महानिर्देशक बाबुराम पौडेल २८ वर्षपछि जागिरबाट निवृत्त हुनुभएको छ ।

    यही माघ १७ गते उमेर हदका कारण निवृत्त हुनुभएका पौडेल निजामती सेवामा २०४८ माघ १८ गते प्रवेश गर्नुभएको थियो । शाखा अधिकृतबाट सेवा शुरू गर्नुभएका पौडेल सहसचिवको रूपमा नौ वर्ष बिताएर रिटायर्ड हुनुभएको छ ।

    सरकारले चाहँदा पौडेल सचिवमा बढुवा भई निवृत्त हुन सक्नुहुन्थ्यो । यही माघ २० गतेबाट ५ जना सचिव सेवा निवृत्त हुँदै गर्दा सहसचिव पौडेल तीन दिन अघि नै रिटायर्ड हुनुभयो ।

    उहाँ निवृत्त हुने समयमा दुईजना सचिव रिटायर्ड भइसकेकाले सो पद खाली रहेको थियो । ती मध्ये एकमा पौडेललाई बढुवा गर्न सकिन्थ्यो । ‘सरकारले विवेक पुर्याउन सक्थ्यो तर त्यसो भएन’ पौडेल नजिक रहेका एक कर्मचारीको गुनासो थियो ।

    कास्की जिल्ला स्थायी निवासी पौडेल निजामति सेवामा आउनु अघि करिब चार वर्ष शिक्षण पनि गर्नुभएको थियो । त्यस्तै चारवर्ष स्रोत व्यक्तिको रुपमा पनि सेवा गर्नुभयो ।

    निजामती सेवा प्रवेश गर्दा सुर्खेतस्थित मध्यपश्चिमाल क्षेत्रीय शिक्षा निर्देशनालयबाट नियुक्ति लिई उहाँले काम थाल्नुभएको थियो ।  उपसचिवमा बढुवा भएपछि विभिन्न जिल्लामा जिल्ला शिक्षा अधिकारीको रूपमा सेवा गर्नुभएका पौडेलसँग कामु क्षेत्रीय निर्देशकको भूमिका निर्वाह गरेको अनुभव छ ।

    सहसचिवमा बढुवा भएपछि क्षेशिनि, अनौपचारिक शिक्षा केन्द्रको निर्देशक, पाठ्यक्रम विकास केन्द्रको कार्यकारी निर्देशक र अन्त्यमा शिक्षा विभाग हुँदै उहाँ हालको शिक्षा तथा मानव स्रोत विकास केन्द्रको महानिर्देशकमा रहेर रिटायर्ड हुनुभएको छ ।

    सरकारी सेवामा रहेर उल्लेखनीय काम गर्न पाउँदा आफूलाई खुशी लागेको उहाँको अनुभूति छ । साथै, थुप्रै नमिठो अनुभव पनि उहाँसित रहेका छन् ।

    अवकाशपछि पनि उत्तिकै सक्रिय रहेर समाज र देशको सेवामा आफू रहने पौडेल बताउनुहुन्छ । हाल कार्यरत सहकर्मी कर्मचारीहरूलाई पौडेलको आग्रह छ, ‘मैले के दिन सकँ भनेर उच्च मनोबलका साथ माटोको  हित चिताएर काम गरौं ।’
    -आजको शिक्षा साप्ताहिकबाट

    प्रतिकृया दिनुहोस्

    मध्यपुर थिमिमा जेष्ठ नागरिक र गर्भवतीलाई नि:शुल्क वडागत स्वास्थ्य सेवा शुरु

    भक्तपुरको मध्यपुर थिमि नगरपालिकाले जेष्ठ नागरिक र गर्भवती महिलाहरुको लागि नि:शुल्क वडागत स्वास्थ्य सेवा शुभारम्भ...

    साथीको घरमा युवकको शव फेला

    भक्तपुरको चाँगुनारायण– ४ मा एक युवक मृत फेला परेका छन् । १९ वर्षीय निरोज लामा...

    चाँगुनारायणमा ५० जनालाई झोल साबुन बनाउने तालिम

    प्रमुख प्रतिपक्षी दल नेकपा (माओवादी केन्द्र) को महिला संगठन अनेमसंघ (क्रान्तिकारी)ले चाँगुनारायणमा सिपयुक्त स्वरोजगार गृहिणी...

    भारतमा नेपाली विद्यार्थीमाथि दमन भएको भन्दै भक्तपुरमा बिरोध प्रदर्शन

    भारतको ओडिसा राज्यको राजधानी भुवनेश्वरस्थित कलिंगा इन्स्टिच्युट अफ इन्डस्ट्रियल टेक्नोलोजी (केआईआईटी) विश्वविद्यालयमा अध्ययनरत एक नेपाली...

    कुकुरलाई हेर्ने दृष्टिकोण बदलौँ !

    “कुकुर” समाजमा हुने अरु प्राणीसरह नै हो । अझ भन्ने हो भने कुकुरको काम अरू...