News Portal

  • प्रणय दिवसको दिन प्रदेश मन्त्रीको प्रतिबद्धता : वैशाखबाट भक्तपुर अस्पतालमा आइसीयु

    भक्तपुरपोष्ट संवाददाताभक्तपुर, २ फागुन
    ४२९१ पटक
    भक्तपुर, २ फागुन

    प्रणय दिवसको दिन बागमती प्रदेश सरकारका सामाजिक विकाश मन्त्री युवराज दुलाल ‘शरद’ले भक्तपुर अस्पताललाई आइसीयुयुक्त बनाउने प्रतिवद्धता प्रकट गरेका छन् । अस्पतालमा सघन उपचार कक्ष (आइसीयु) संचालनमा सहयोग गर्ने उनले प्रतिवद्धता प्रकट गरेका हुन् ।

    चन्द्र शमशेरको पालामा विक्रम सम्बत १९६१मा चन्द्रलोक डिस्पेन्सरीका नामबाट शुरु भएको यो पुरानो इतिहास बोकेको अस्पताल सेवा दिन नसकी रिफर सेन्टरको रुपमा आलोचित बनेपछी यसको सुधारमा बागमती प्रदेश सरकार र भक्तपुर नगरपालिकाले चासो बढाउदै गएको छ । प्रदेश सरकार मातहत रहेको भक्तपुर नगरपालिका-१ दुधपाटीस्थित यस अस्पतालको पटक पटक अनुगमन गर्दै आएका मन्त्री दुलालले शुक्रवार आकस्मिक अनुगमन गरेका थिए । अनुगमनकै क्रममा अस्पताललाई आइसीयु सुविधायुक्त बनाउन आवश्यक सम्पूर्ण सहयोग गर्ने उनले बचन दिएका अस्पताल विकाश समितिका अध्यक्ष मिलन सुवालले बताए ।

    मेडिकल सुपरिटेन्टडेन्ट सुमित्रा गौतमले अस्पतालमा आइसीयु संचालन गर्न अस्पतालको तर्फबाट राखेको प्रस्ताव स्वीकार गर्दै मन्त्री दुलालले आवस्यक तयारी गर्न निर्देशन समेत दिए । ” जनशक्ति र बजेटको चिन्ता नगर्नुस, बैसाखबाटै सेवा शुरु हुनेगरी आवश्यक प्रक्रिया पूरा गर्नुस् ।” मन्त्री दुलालले भने । जनताको स्वास्थ्यको लागि प्रदेश सरकारले बजेटमा कन्जुस्याई नगर्ने भन्दै उनले प्रदेश सरकारले डाक्टरलगायतका जनशक्ति सेवा करारमा व्यवस्था गरिदिने बचन दिए । भौतिक पूर्वाधारका लागि समेत आवस्यक बजेटको व्यवस्था गरिदिने उनको भनाइ छ ।

    शताब्दी पुरानो अस्पतालमा हालसम्म आइसीयु नहुनु दुखद भएको भन्दै मन्त्री दुलालले अस्पताल विकाश र सेवा विस्तारको लागि प्रदेश सरकारको ढोका सधै खुला रहेको बताएका थिए । उक्त अवसरमा मन्त्री दुलालले अस्पतालको विभिन्न कक्षको अनुगमन गर्नुका साथै संचालनको अवस्था बारे जानकारी लिंएका थिए भने पदाधिकारी तथा कर्मचारीलाई आवश्यक निर्देशन समेत दिएका थिए ।

    भक्तपुर स्थित मानव अंग प्रत्यारोपण केन्द्र र क्यान्सर अस्पतालमा आइसीयु भएपनि त्यो मेडिकल आइसीयु भने होइन । मेडिकल आइसीयु नहुँदा भक्तपुरका बिरामी धेरै पैसा तिरेर निजी अस्पतालमा उपचार गराउन बाध्य बन्दै आएका छन् भने कतिपय आपतकालीन बिरामीहरु समेत यसबाट पिडित बनेका छन् । मन्त्रीको प्रतिवद्धता प्रदेश सरकारको भक्तपुर प्रति प्रेमको नमूना भएको भन्दै अध्यक्ष सुवालले प्रेम दिवसमा यसलाई प्रदेश सरकारको प्रेमको उपहारको रुपमा आफूहरुले महसुस गरेको  प्रतिक्रिया दिए ।

    भक्तपुर अस्पतालको अवस्थाबारे मन्त्री दुलाललाई जानकारी दिंदै भक्तपुर नगरपालिकाका प्रमुख सुनिल प्रजापतिले यसलाई नमूना अस्पतालको रुपमा विकाश गर्नुपर्ने बताए । बजेटमा भन्दा नियतमा समस्या हुनेगरेका कारण भक्तपुर अस्पतालको प्रगती हुन नसकेको भन्दै उनले अहिलेको नेतृत्वले यसको विकाशमा योगदान गर्ने विस्वास व्यक्त गरे । उक्त अवसरमा नगरपालिकाको बिबिध गतिविधि बारे जानकारी गराउदै प्रमुख प्रजापतिले भने, ”भक्तपुरले सधै शिक्षा र स्वास्थ्यलाई प्रमुख प्राथमिकतामा राखेको छ । प्रदेश अस्पताल भएपनि यसलाई नगरपालिकाको आवस्यक सहयोग रहने छ ।”

    सो अवसरमा भक्तपुर अस्पताल विकाश समितिका अध्यक्ष मिलन सुवालले भक्तपुर अस्पताललाई जनताको पहिलो रोजाइ बनाउन आफूहरु लागिपरेको बताएका थिए भने मेडिकल सुपरिटेन्टडेन्ट सुमित्रा गौतमले अस्पतालको भावी योजना सुनाएकी थिइन् । उक्त अवसरमा वडा नबर १ का वडाध्यक्ष श्यामकृष्ण खत्री, अस्पतालकी मेट्रोन सावित्रा पौडेल, वडा सदस्य सूर्यप्रसाद श्रेष्ठ, नगरपालिकाकी प्रेस संयोजक कीर्तिका प्रजापति लगायत सहभागी रहेका थिए ।

    प्रतिकृया दिनुहोस्

    भक्तपुर जिल्ला अदालतका ३ हजार ६ सय ८१ मुद्दा फर्छ्यौट

    भक्तपुर जिल्ला अदालतमा एक वर्षमा ३ हजार ६ सय ८१ मुद्दा फर्छ्यौट गरिएको बताइएको छ...

    एसईईमा राम्रो नतिजा ल्याउने विद्यार्थी र विद्यालयलाई एनप्याब्सन भक्तपुरको अभिनन्दन

    नेसनल प्याव्सन भक्तपुरले आफ्ना सदस्य विद्यालयहरुबाट यस वर्षको माध्यमिक शिक्षा उतीर्ण परीक्षा (एसईई) मा सम्मिलित...

    प्रधानमन्त्री ओलीसहित २१ मन्त्रीले लिए सपथ

    प्रधानमन्त्री केपी शर्मा ओलीले प्रधानमन्त्रीको शपथ लिएका छन् । सोमबार राष्ट्रपति कार्यालय शीतल निवासमा आयोजित...

    नौ भाषामा दखल भएका रिजाललाई ५० हजार राशीको प्रतिभा पुरस्कार

    भाषा तथा सस्कृतिकर्मी भक्ती रिजाल प्रादेशिक “प्रतिभा” पुरस्कार बाट सम्मानित भएका छन् । रिजाललाई संघीय...

    दुर्लभ थापा मन्त्री बन्ने वा नबन्ने भन्नेबारे यस्तो छ महेश बस्नेतको भनाइ

    mahesh basnet bhaktapur 2

    पूर्व मन्त्री एवं नेकपा एमालेका पोलिटब्युरो सदस्य महेश बस्नेतले भक्तपुर-२ का प्रतिनिधि सभा सदस्य दुर्लभ...