भक्तपुरपोष्ट संवाददाता२१ फागुन २०७६
२१ फागुन २०७६भक्तपुर । चाँगुनारायण नगरपालिकाभित्र आधारभूत तह(कक्षा ८) को नगरपालिकास्तरिय परीक्षा फागुन २७ देखि चैत ५ गतेसम्म सञ्चालन हुने भएको छ ।
कोरोना भाइरसका कारण शिक्षा विज्ञान तथा प्रविधि मन्त्रालयले चैत ५ गतेभित्र कक्षा ९ सम्मको परीक्षा सक्न निर्देशन दिएपछि नगरपालिकाले सोही अनुसारको परीक्षा तालिका सार्वजनिक गरेको हो ।
नगरपालिकाको परीक्षा समितिको २१ बुधबार बसेको बैठकले उक्त निर्णय गरेको शिक्षा, युवा तथा खेलकुद शाखाले जनाएको छ ।
समितिले नगपालिका क्षेत्र भित्रका विद्यालयहरुको कक्षा १ देखि कक्षा ९ सम्मको वार्षिक परीक्षा फागुन २८ गतेबाट सुरु गरेर चैत ५ गतेभित्र सम्पन्न गर्न पनि विद्यालयहरुलाई निर्देशन दिएको छ ।
