News Portal

  • सरकारले माग गरेको स्वयंसेवक शिक्षकमा युवाको आकर्षण : १२ हजार बढीको आवेदन पर्यो

    भक्तपुरपोष्ट संवाददाताभक्तपुर, २५ फागुन
    ११५५ पटक
    भक्तपुर, २५ फागुन

    सरकारले शुरु गरेको शिक्षण स्वयंसेवक कार्यक्रममा स्वयंसेवकहरुको आकर्षण देखिएको छ । आगामी शैक्षिक सत्रका लागि १५ सय स्वयंसेवक छनोट गर्न सरकारले आवेदन माग गर्दा १२ हजार जनाभन्दा बढीले स्वयंसेवक शिक्षक हुन फारम भरेका छन् ।

    शिक्षण स्वयंसेवक परिचालन कार्यविधि- २०७६ अन्तर्गत रही शिक्षा, विज्ञान तथा प्रविधि मन्त्रालयको सानोठिमीस्थित शिक्षा तथा मानव स्रोत विकास केन्द्रले स्वयमसेवक शिक्षक माग गरेको थियो । उक्त कार्यविधि शिक्षा, विज्ञान तथा प्रविधि मन्त्री गिरिराजमणि पोखरेलले माघ २९ मा सदर गरेका थिए ।

    दश दिनको समय सीमा दिएर स्वयंसेवक शिक्षक माग गरिएको आइतवार अन्तिम दिन भएको केन्द्रका महानिर्देशक तुलसी प्रसाद थपलियाले भक्तपुर पोस्टलाई जानकारी गराए । अनलाइनबाटै आवेदन दिन सकिने व्यवस्था मिलाएको केन्द्रमा आइतबारसम्म परेको आवेदन बाट केन्द्र उत्साहित बनेको उनको भनाइ छ।

    कार्यविधिकै अधिनमा रही शिक्षक छनौट गर्ने र उनीहरुलाई स्थानीय तहमा पठाउने बताइएको छ । केन्द्रले छानेर पठाएका स्वयमसेवक शिक्षकलाई विद्यालयले वैशाखदेखि चैत सम्म काममा लगाउनुपर्ने व्यवस्था मिलाइएको छ ।

    विद्यालयमा शिक्षक संख्या कम भएपछि क्षमतावान युवाहरुलाई शिक्षा सेवामा आकर्षित गर्न यस्तो योजना ल्याइएको शिक्षा, विज्ञान तथा प्रविधि मन्त्रीका सल्लाहकार जीवन गौतमले बताए ।अंग्रेजी, गणित र विज्ञान शिक्षक अपुग भएका वा त्यस्ता शिक्षक दरबन्दी नभएका सामुदायिक र प्राविधिक धारका विद्यालयमा स्वयंसेवक शिक्षक खटाउने निर्णय भएको उनले भक्तपुर पोस्टसंग भने ।

    शिक्षक अभावलाई पूर्ती गर्न यो अल्पकालीन योजना भएको भन्दै मन्त्रालयका सह सचिव कृष्ण काप्रिले तत्काल ‘झाडापखाला लागेको विरामीलाई पहिला जीवनजल खुवाएर अरु उपचार गर्नुपर्ने अवस्था आए झैं’ शिक्षण स्वयंसेवक कार्यक्रम ल्याउनुपरेको प्रष्ट पारे ।

    अहिले पठाउन लागिएका करिव १५ सय स्वयंसेवक शिक्षकलाई शिक्षण अनुमति प्रमाणपत्र (लाइसेन्स) आवश्यक पर्ने छैन । चालू आर्थिक वर्षको बजेट भाषणमा सरकारले ‘चिनौं आफ्नो माटो, बनाउँ आफ्नै देश’ अभियान सञ्चालन गर्ने घोषणा गरेको थियो । यसरी पढाउन नियुक्त भएका शिक्षकलाई १२ महिनाको तलब दिइनेछ भने यस कार्यक्रमका लागि सरकारले ५० करोड रुपैयाँ बजेट छुट्याइसकेको छ । आगामी शैक्षिक शत्रदेखि एक वर्षका लागि करारमा स्वयंसेवक शिक्षक नियुक्त गर्न लागिएको हो । मन्त्रालयले स्वयंसेवक शिक्षक बन्न इच्छुकहरुलाई यही फागुन २५ गतेभित्र दरखास्त दिन आह्वान गर्दै सूचना जारी गरेको थियो ।

    प्रतिकृया दिनुहोस्

    भक्तपुर आएर पूर्व अर्थमन्त्री पुनले भने, ‘नेताहरु शिशाको घरमा छन्’

    पूर्व अर्थमन्त्री एवं नेकपा(माओवादी केन्द्र)का उपमहासचिव वर्षमान पुन अनन्तले राजनीतिक दलका नेताहरु शिशाको घरमा रहेका...

    भक्तपुर जिल्ला अदालतका ३ हजार ६ सय ८१ मुद्दा फर्छ्यौट

    भक्तपुर जिल्ला अदालतमा एक वर्षमा ३ हजार ६ सय ८१ मुद्दा फर्छ्यौट गरिएको बताइएको छ...

    एसईईमा राम्रो नतिजा ल्याउने विद्यार्थी र विद्यालयलाई एनप्याब्सन भक्तपुरको अभिनन्दन

    नेसनल प्याव्सन भक्तपुरले आफ्ना सदस्य विद्यालयहरुबाट यस वर्षको माध्यमिक शिक्षा उतीर्ण परीक्षा (एसईई) मा सम्मिलित...

    प्रधानमन्त्री ओलीसहित २१ मन्त्रीले लिए सपथ

    प्रधानमन्त्री केपी शर्मा ओलीले प्रधानमन्त्रीको शपथ लिएका छन् । सोमबार राष्ट्रपति कार्यालय शीतल निवासमा आयोजित...

    नौ भाषामा दखल भएका रिजाललाई ५० हजार राशीको प्रतिभा पुरस्कार

    भाषा तथा सस्कृतिकर्मी भक्ती रिजाल प्रादेशिक “प्रतिभा” पुरस्कार बाट सम्मानित भएका छन् । रिजाललाई संघीय...