News Portal

  • कोरोना विशेष छुट्टै आकस्मिक बेड तयार गर्न भक्तपुर भित्रका अस्पताललाई अपिल

    भक्तपुरपोस्ट संवाददाता भक्तपुर, २८ फागुन
    १३२७ पटक
    भक्तपुर, २८ फागुन

    भक्तपुर नगरपालिकाले कोरोना भाइरस (कोभेड १९) को सम्भावित खतरालाई मध्यनजर गर्दै आफ्नो नगर क्षेत्रका स्वास्थ्य संस्थालाई सजग रहन भनेको छ । नगरपालिकाले आफ्नो नगर भित्र रहेका स्वास्थ्य संस्थालाई कोभिड–१९ को सम्भावित संक्रमण प्रति सजग गराउंदै छुट्टै वार्डसहित बेडको व्यवस्था गर्न समेत आग्रह गरेको हो ।

    भक्तपुर नगरपालिकाका प्रमुख सुनिल प्रजापतिले पत्रचारै गरेर नगर भित्रका स्वास्थ्य संस्थाहरुलाई कोभिड–१९ को सम्भावित संक्रमण प्रति सजग रहन र रोकथाम तथा नियन्त्रणको लागि छुट्टै बेडको व्यवस्था मिलाउन अनुरोध गरेको जानकारी गराए । ” हामीले सम्पर्क गरेर पनि भनेका छौ , पत्राचार पनि गरेका छौ । कोभिड–१९ को संक्रमण विश्वव्यापी रुपमा फैलिने क्रममा रहेकोले सम्भावित जोखिम प्रति हामी संवेदनशील छौ ।” उनले भने ।

    भक्तपुर नगरपालिकाको क्षेत्रभित्र ६ वटा स्वास्थ्य संस्थाहरु सञ्चालित छन् । भक्तपुर अस्पताल, भक्तपुर क्यान्सर अस्पताल, शहिद धर्मभक्त मानव अंग प्रत्यारोपण केन्द्र, डा. ईवामुरा मेमोरियल अस्पताल, सिद्धि स्मृति महिला तथा बाल अस्पताल र जनस्वास्थ्य केन्द्र भक्तपुरका मूख्य स्वास्थ्य संस्था हुन् ।

    नगरपालिका क्षेत्रभित्र रहेका यि सबै स्वास्थ्य संस्थाले आफ्नो क्षमताले सकेसम्म बढी आकस्मिक अवस्थामा प्रयोग गर्न सकिने गरी छुट्टै बेडको व्यवस्था मिलाउन नगरपालिकाले पत्राचार गरेको मेयर प्रजापतिले प्रष्ट पारे । उनका अनुसार सम्भावित विरामीहरुको सघन जाँच परीक्षण गर्नुपर्ने देखिएमा प्रादेशिक तथा केन्द्रीय अस्पतालहरुमा रिफर गरी पठाउने व्यवस्था मिलाउन समेत आग्रह गरिएको छ ।

    त्यस्तै कोरोना भाइरस (कोभिड–१९) बारे सर्वसाधारणमा जनचेतना फैलाउन र यसको सम्भावित संक्रमण बाट बच्ने उपाय सिकाउन समेत  नगरपालिकाले आफ्नो क्षेत्रमा संचालित स्वास्थ्य सस्थाहरुलाई पत्र पठाई अनुरोध गरेको छ । विकशित र शक्तिशाली भनिएका देशहरु नै यसबाट प्रभावित भएकोले यसलाई हल्का ढंगमा लिन नहुने र  आ आफ्नो ठाउँ बाट यसको रोकथामको लागि ब्यापक अभियान चलाउन  पर्ने मेयर प्रजापतिले बताए।

    प्रतिकृया दिनुहोस्

    भक्तपुर आएर पूर्व अर्थमन्त्री पुनले भने, ‘नेताहरु शिशाको घरमा छन्’

    पूर्व अर्थमन्त्री एवं नेकपा(माओवादी केन्द्र)का उपमहासचिव वर्षमान पुन अनन्तले राजनीतिक दलका नेताहरु शिशाको घरमा रहेका...

    भक्तपुर जिल्ला अदालतका ३ हजार ६ सय ८१ मुद्दा फर्छ्यौट

    भक्तपुर जिल्ला अदालतमा एक वर्षमा ३ हजार ६ सय ८१ मुद्दा फर्छ्यौट गरिएको बताइएको छ...

    एसईईमा राम्रो नतिजा ल्याउने विद्यार्थी र विद्यालयलाई एनप्याब्सन भक्तपुरको अभिनन्दन

    नेसनल प्याव्सन भक्तपुरले आफ्ना सदस्य विद्यालयहरुबाट यस वर्षको माध्यमिक शिक्षा उतीर्ण परीक्षा (एसईई) मा सम्मिलित...

    प्रधानमन्त्री ओलीसहित २१ मन्त्रीले लिए सपथ

    प्रधानमन्त्री केपी शर्मा ओलीले प्रधानमन्त्रीको शपथ लिएका छन् । सोमबार राष्ट्रपति कार्यालय शीतल निवासमा आयोजित...

    नौ भाषामा दखल भएका रिजाललाई ५० हजार राशीको प्रतिभा पुरस्कार

    भाषा तथा सस्कृतिकर्मी भक्ती रिजाल प्रादेशिक “प्रतिभा” पुरस्कार बाट सम्मानित भएका छन् । रिजाललाई संघीय...