News Portal

  • भक्तपुर नगरपालिकाले नगरवासीलाई मास्क, पञ्जा, स्यानिटाइजर लगायत उपलब्ध गराउने

    हिना सुवाल / भक्तपुरपोस्ट भक्तपुर, ९ चैत
    ६४४१ पटक
    भक्तपुर, ९ चैत

    विश्वव्यापी महामारीका रुपमा देखा परेको कोरोना भाइरस संक्रमण (कोभिड १९) को संक्रमणबाट बचाउन भक्तपुर नगरपालिकाले मास्क, पञ्जा, स्यानिटाइजर, स्प्रे पम्प, प्लास्टिक, साबुन (झोल साबुनसमेत), थर्मल गन, धाराको टुटीसहित ५०० लिटरको पानी ट्यांकीलगायत खरिद गरी वितरणको व्यवस्था मिलाउने भएको छ ।

    भक्तपुर नगरपालिका नगर विपद् व्यवस्थापन समितिका संयोजक समेत रहेका नगर प्रमुख सुनिल प्रजापतिको अध्यक्षतामा आइतवार बसेको विपद व्यवस्थापन समितिको बैठकले यस्तो निर्णय गरेको हो । अत्यावश्यक सामाग्री नगरपालिकाले खरिद गरी प्रत्येक वडा मार्फत वितरणको व्यवस्था मिलाउने निर्णय गरिएको नगरपालिकाले जनाएको छ ।जोखिमका बाबजुद अत्यावस्यक सामग्री बजारमा नपाइएको जनताको गुनासोपछि नगरपालिकाले सोको व्यवस्था गर्ने निर्णय भएको हो ।

    कोरोना भाइरसको सम्भावित संक्रमणबाट बच्न अति आवश्यक कामका लागि नगरपालिका कार्यालय, वडा कार्यालय र नपाअन्तर्गत सञ्चालित विभिन्न कार्यालयमा प्रवेश गर्ने नागरिकहरुलाई साबुन पानीले हात धोएर र स्यानिटाइजर प्रयोग गरेर मात्रै प्रवेशको व्यवस्था मिलाइने समेत निर्णय भएको बताइएको छ ।

    त्यसैगरी कोरोना भाइरसको संक्रमणबाट जोगिन सार्वजनिक स्थानहरुमा हुलहुज्जत नगर्न, धेरै मानिस जम्मा हुनेगरी भोजभतेर, पिकनिक आयोजना नगर्न, नगरका विभिन्न सांस्कृतिक स्थल तथा पाटी पौवामा दाफा भजन नगर्न र अति आवश्यक काममा बाहेक घर बाहिर ननिस्कन बैठकले नगरबासीलाई अपिल गरेको छ ।

    साथै नगरपालिका क्षेत्रभित्रका चोक, गल्ली र सडकहरुमा सरसफाइ कार्यलाई थपप्रभावकारी बनाउने र सबै ठाउँमा चुन, फिनेल छर्कने साथै कोरोना भाइरसको जोखिम बाट बच्न जनचेतनामूलक सामग्री प्रकाशन तथा प्रशारण गर्ने समेत निर्णय भएको बताइएको छ ।

    प्रतिकृया दिनुहोस्

    महिलाहरु रक्तदानमा पछि, जीवनदानको रुपमा रहेको रक्तदानप्रति प्रेरित गर्नुपर्नेमा जोड

    रक्तदानलाई ‘जीवन दान’ को रुपमा श्रद्धाले ग्रहण गरिने भएपनि यसप्रति महिला वर्गलाई आकर्षित गर्न नसकिएको...

    भक्तपुरका ४ पत्रकारलाई पत्रकार महासंघको पुरस्कार र सम्मान

    sanjeep ghimire shubhachintak fnj

    नेपाल पत्रकार महासंघ जिल्ला शाखा भक्तपुरले जिल्लाका ४ पत्रकारलाई पुरस्कृत गरेको छ । शाखाले आफ्नो...

    राष्ट्रका लागि दुई घण्टा अभियानमा पूर्व प्रधानमन्त्री ओलीको ऐक्यवद्धता

    भक्तपुरबाट शुरु गरिएको ‘राष्ट्रका लागि दुई घण्टा अभियान’ मा पूर्व प्रधानमन्त्री केपी शर्मा ओलीले ऐक्यवद्धता...

    ४ चिनियाँ नागरिक भक्तपुरमा पक्राउ

    भक्तपुरको सूर्यविनायक नगरपालिका वडा नं. १० भातेढिकुर स्थित अरनिको हाइवे बाट ४ चिनियाँ नागरिक पक्राउ...

     नेपालमा सुनको नयाँ किर्तिमान

    नेपाली बजारमा सुनको मूल्यले नयाँ किर्तिमान बनाएको छ । विहिबार सुन तोलामा १८ सयले बढेर...