News Portal

  • क्वारेन्टाइनमा योगदान गर्दै चाँगुनारायण नगरपालिका : नगरकोट र दुवाकोट थपिंदै

    बाबुराम दाहाल / भक्तपुर पोस्ट भक्तपुर, १३ चैत
    २६७७ पटक
    भक्तपुर, १३ चैत

    चीनबाट उद्धार गरी नेपाल ल्याइएका १७५  विद्यार्थीलाई राख्न बनाइएको खरीपाटी क्वारेन्टाइनलाई शुरुवातमा असहयोग गरेको चाँगुनारायण नगरपालिका यतिबेला भने क्वारेन्टाइन बिस्तारमा सहयोगी भूमिकाका देखिएकाे छ ।

    मेयर सोमप्रसाद मिश्र आफै क्वारेन्टाइन र आइसोलेसन वार्डको व्यवस्थापनमा जुटेका छन् । नोभल कोरोना भाइरस (covid 19) को विश्वव्यापी महामारी र नेपालमा समेत त्यसको संक्रमण देखिएपछि यतिबेला सिंगो देश बन्दाबन्दी(lock down)को अवस्थामा छ । २ जना संक्रमित फेला परी उपचारमा रहेका र संख्या अझ बढ्न सक्ने सम्भावना भएपछि सरकारसामु थप चुनौती थपिएको छ । यस्तोमा सम्भावित बिरामी र संक्रमित बिरामीलाई राख्न चाँगुनारायणको दुवाकोट र नगरकोटमा क्वारेन्टाइन कक्ष र आइसोलेसन कक्ष बनाइने भएको छ । खरीपाटीस्थित विद्युत प्राधिकरणको तालिम केन्द्र रहेका भवनहरु क्वारेन्टाइनको रुपमा प्रयोगमै रहेका छन् भने नगरकोटका होटलहरु र दुवाकोटस्थित काठमाडौं मेडिकल कलेजको अस्पताललाई पनि क्वारेन्टाइन र आइसोलेसनका रुपमा बिस्तार गर्न लागिएको हाे ।

    क्वारेन्टाइन व्यवस्थापन समितिका संयोजकसमेत रहेका संस्कृति, पर्यटन तथा नागरिक उड्डयन मन्त्री योगेश भट्टराईले बुधवार दुवाकोट र नगरकोट पुगेर क्वारेन्टाइन र आइसोलेसन कक्षको स्थलगत अवलोकनसमेत गरेका छन् । उक्त अवसरमा चाँगुनारायण नगरका प्रमुख सोमप्रसाद मिश्र, प्रमुख जिल्ला अधिकारी हुमकला पाण्डे, सुरक्षा निकायका प्रमुखहरु लगायतको उपस्थिति रहेको थियो ।

    मन्त्री भट्टराईको टोलीसंग नगरकोटका होटल व्यवसायीहरुले आफ्नो होटललाई क्वारेन्टाइन बनाउन सरकारलाई दिने प्रतिवद्धता प्रकट गरेका थिए । नगरकोटका २ हजार बेड मध्ये पहिलो चरणमा पाँच सय बेडलाई क्वारेन्टाइनको रुपमा प्रयोगमा ल्याइने तयारी भएको भक्तपुरपोस्टलाई जानकारी प्राप्त भएको छ ।

    त्यसैगरी दुवाकोटस्थित काठमाडौ मेडिकल कलेजको अस्पताललाई पनि क्वारेन्टाइन र आइसोलेसन वार्डको रुपमा प्रयोगमा ल्याइने भएको छ । त्यहाँ पनि करिब पाँच सय बेड क्वारेन्टाइनका लागि तयारी अवस्थामा छन् । अस्पताल प्रशासक अच्युत अधिकारीका अनुसार केएमसीमा ४ वटा आइसोलेसन वार्ड र उपचार कक्ष समेत तयार गरिसकिएको छ ।

    उक्त अवसरमा मन्त्री भट्टराईले संकटको घडीमा सबैको हातेमालो आवश्यक रहेको भन्दै कोरोना भाइरस माथि सामुहिक लडाईबाट विजय प्राप्त गरिने बताएका थिए भने चाँगुनारायण नगरका प्रमुख सोमप्रसाद मिश्र र प्रमुख जिल्ला अधिकारी हुमकला पाण्डे तथा सुरक्षा निकायका प्रमुखहरुले केएमसी र होटल व्यवसायीहरुको सहयोग प्रति आभार प्रकट गरेका थिए ।

    प्रतिकृया दिनुहोस्

    भक्तपुर जिल्ला अदालतका ३ हजार ६ सय ८१ मुद्दा फर्छ्यौट

    भक्तपुर जिल्ला अदालतमा एक वर्षमा ३ हजार ६ सय ८१ मुद्दा फर्छ्यौट गरिएको बताइएको छ...

    एसईईमा राम्रो नतिजा ल्याउने विद्यार्थी र विद्यालयलाई एनप्याब्सन भक्तपुरको अभिनन्दन

    नेसनल प्याव्सन भक्तपुरले आफ्ना सदस्य विद्यालयहरुबाट यस वर्षको माध्यमिक शिक्षा उतीर्ण परीक्षा (एसईई) मा सम्मिलित...

    प्रधानमन्त्री ओलीसहित २१ मन्त्रीले लिए सपथ

    प्रधानमन्त्री केपी शर्मा ओलीले प्रधानमन्त्रीको शपथ लिएका छन् । सोमबार राष्ट्रपति कार्यालय शीतल निवासमा आयोजित...

    नौ भाषामा दखल भएका रिजाललाई ५० हजार राशीको प्रतिभा पुरस्कार

    भाषा तथा सस्कृतिकर्मी भक्ती रिजाल प्रादेशिक “प्रतिभा” पुरस्कार बाट सम्मानित भएका छन् । रिजाललाई संघीय...

    दुर्लभ थापा मन्त्री बन्ने वा नबन्ने भन्नेबारे यस्तो छ महेश बस्नेतको भनाइ

    mahesh basnet bhaktapur 2

    पूर्व मन्त्री एवं नेकपा एमालेका पोलिटब्युरो सदस्य महेश बस्नेतले भक्तपुर-२ का प्रतिनिधि सभा सदस्य दुर्लभ...