भक्तपुर नगरपालिकाले पाँच बुँदे अनुरोध पत्र सार्वजनिक गरेको छ । नगर प्रमुख सुनिल प्रजापतिले पाँच बुँदे अनुरोध पत्र सार्वजनिक गरेका हुन् ।

देश बन्दाबन्दीमा भएको तेस्रो दिन बिहीवार नगरपालिकाले औपचारिक बक्तब्य मार्फत अनुरोध पत्र बाहिर ल्याएको हो । सिङ्गो देश कोरोना भाइरस विरुद्धको अभियानमा रहेको भन्दै नगरपालिकाले सबै नगरवासीलाई कोरोनाविरुद्धको अभियानमा एकतावद्ध भएर लड्न अपिल समेत गरेको छ ।

कोरोनाविरुद्धको अभियानमा सबै लाई एकजुट हुन आह्वान गरेको नगरपालिकाले अत्यावश्यक काम बाहेक घरबाहिर ननिस्कन सर्वसाधारणलाई अपिल गर्नुको साथै नगरपालिकासंग इमेल मार्फत सम्पर्कमा रहन भनेको छ । विदेशबाट आएकाले आफूले नै विचार गरेर जिम्मेवार भई सुरक्षित रुपमा तोकिएको समयावधिसम्म घरमै स्वयं निगरानीमा बस्न र आफ्नो ज्वरो परिक्षणको रिपोर्ट अनलाइन फारमबाट पठाउन नगरपालिकाले अनुरोध गरेको हो। नगरपालिकाले स्वास्थ्य र सरसफाइका कर्मचारीलाईसमेत कार्यस्थलमा खट्न अनुराेध गरकाे छ भने दैनिक उपभोग्य सामग्रीहरु बिहान ४ः०० बजेदेखि ७ः०० बजेभित्रै खरिद गर्न अनुरोध गरेको छ ।

नगर प्रमुख प्रजापतिद्वारा प्रेसित बक्तव्यमा मूख्यत: निम्न पाँच अनुरोध गरिएको छ :

१) अति आवश्यक काममा बाहेक घरबाट ननिस्कनुहुन,
२) विदेशबाट घर फर्केकाहरुको विवरण नगरपालिका र जिल्ला प्रशासन कार्यालयमा बुझाउनुहुन,
३) विदेशबाट आएका महानुभावहरु आ–आफूले नै विचार गरेर जिम्मेवार भई सुरक्षित रुपमा तोकिएको समयावधिसम्म घरमै स्वयं निगरानीमा बस्नुहुन र आफ्नो ज्वरो परिक्षणको रिपोर्ट अनलाइन फारमबाट जनस्वास्थ्य केन्द्र च्याम्हासिँह ([email protected]) नगरपालिकामा ([email protected] ) मा पठाउनु हुन,
४) दैनिक उपभोग्य सामग्रीहरु जिल्ला प्रशासन कार्यालयले तोकेको समयावधि (बिहान ४ः०० बजेदेखि ७ः०० बजे) भित्रै खरिद गर्नुहुन,
५) सरसफाइमा खटिएका कर्मचारीहरु तथा जनस्वास्थ्य केन्द्रमा कार्यरत डाक्टर, नर्स तथा अन्य कर्मचारीहरु अझ जिम्मेवारीपूर्वक आ–आफ्नो कार्यस्थलमा खट्नुहुन ।

हेर्नुस् नगरपालिकाकाे अनुराेध पत्र