News Portal

  • भक्तपुरका खाद्यान्न पसलहरु दिनैभर खुला रहने : हेर्नुस् शुक्रवार जारी सूचना

    हिना सुवाल / भक्तपुरपोस्ट भक्तपुर, १४ चैत
    १५७१ पटक
    bhaktapur municipalityभक्तपुर, १४ चैत

    देशव्यापीरुपमा लागू भएको बन्दाबन्दीमा भक्तपुर नगरपालिकाले औषधी र खाद्यान्नका पसलहरु दिनैभर खुला हुने जनाएको छ । विशेषगरी खाद्यान्न र तरकारी पसलहरुमा ग्राहकको भीड बढेपछि नगरपालिकाले सूचना प्रकाशन गरी सो कुरा बताएको हो ।

    लक डाउनको समयमा दैनिक उपभोग्य खाद्य सामग्री, तरकारी, फलफूल र औषधि पसलहरूमा भीड जम्मा भई कोरोना भाइरसको संक्रमण जोखिम बढेको जनगुनासो आएपछि सूचना जारी गर्नु परेको नगर प्रमुख सुनिल प्रजापतिले प्रष्ट पारे । नगरपालिका र जिल्ला प्रशासन कार्यालयबीच समन्वय भएअनुसार खाद्य सामग्री, औषधि पसलहरू दिनभरि खुला रहने उनले बताए । तरकारी बजार भने बिहान ५ बजेदेखि ८ बजेसम्म र साँझ ५ बजेदेखि ७ बजेसम्म खुला रहने बताइएको छ ।यसबाट किनमेल गर्नेक्रममा भीड नहुने नगरपालिकाको अपेक्षा छ ।

    अनिवार्य आवश्यकताका सामान खरिद गर्न बाहिर निस्कँदा परिवारको एक जना सदस्य मात्र निस्कन र सामान खरिद गर्दा हुलमुल नगरी सामाजिक दुरी कायम राख्न पनि नगरपालिकाले अपिल गरेको छ ।

    नगरपालिकाद्वारा जारी गरिएको सूचनामा करिब एक मिटर अथवा तीन फिटको दुरी कायम गरी सामान खरिद विक्री गर्नुपर्ने बताइएको छ ।

    यस अघि बिहीवार नगरपालिकाले दैनिक उपभोग्य सामग्रीहरु बिहान ४ः०० बजेदेखि ७ः०० बजेभित्रै खरिद गर्न अनुरोध गरेको थियो । देश बन्दाबन्दीमा भएको तेस्रो दिन बिहीवार नगरपालिकाले औपचारिक बक्तब्य मार्फत सिङ्गो देश कोरोना भाइरस विरुद्धको अभियानमा रहेको भन्दै नगरपालिकाले सबै नगरवासीलाई कोरोनाविरुद्धको अभियानमा एकतावद्ध भएर लड्न अपिल समेत गरेको थियो ।
    बिहेवार नै नगरपालिकाले विदेशबाट आएकाले आफूले नै विचार गरेर जिम्मेवार भई सुरक्षित रुपमा तोकिएको समयावधिसम्म घरमै स्वयं निगरानीमा बस्न र आफ्नो ज्वरो परिक्षणको रिपोर्ट अनलाइन फारमबाट पठाउन नगरपालिकाले अनुरोध गरिसकेको छ भने स्वास्थ्य र सरसफाइका कर्मचारीलाईसमेत अनिवार्य कार्यस्थलमा खट्न अनुराेध गरिसकेकाे छ ।

    हेर्नुस् शुक्रवार जारी सूचना

    प्रतिकृया दिनुहोस्

    भक्तपुरमा पहिलो पटक तीन पुस्ते फोटो प्रदर्शनी हुने

    भक्तपुरमा पहिलो पटक तीन पुस्ते फोटो प्रदर्शनी हुने भएको छ। भक्तपर पर्यटन विकास समितिका अध्यक्ष...

    राप्रपाबाट निर्वाचित सांसद निलम्बित

    राष्ट्रिय प्रजातन्त्र पार्टीबाट निर्वाचित प्रदेश सांसदको पद निलम्बनमा परेको छ । कपिलवस्तु क्षेत्र नम्बर ३...

    रक्सि नखाउ भन्दा गयो ज्यान

    रूकुम पश्चिममा हजुरबाको हत्या आरोपमा प्रहरीले नातिलाई पक्राउ गरेको छ । रुकुम पश्चिमको मुसिकोट नगरपालिका-१२...

    शिशु निकेतन स्कूलकी छात्रा होस्टेलमै मृत फेला

    चितवनको रत्ननगर नगरपालिका–१० स्थित एकता शिशु निकेतन बोर्डिङ स्कुलको होस्टलमा एक छात्रा मृत फेला परेकी...

    चाँगुनारायणमा घरफोडी दिनदहाडै चोरी, २ युवक पक्राउ

    भक्तपुरको चाँगुनारायण नगरपालिका वडा नं. ३ मा कोही नभएको मौका पारी दिनदहाडै चोरी गर्ने २...