News Portal

  • गुण्डूका मनकारी कार्की जसले गरे निजी कारले बिरामी बोक्ने घोषणा

    भक्तपुरपोस्ट संवाददाता सूर्यविनायक, १५ चैत
    १७७३ पटक
    सूर्यविनायक, १५ चैत

    विश्वब्यापी महामारीकोरुपमा फैलिएको नोभल कोरोना भाइरस (कोभिड १९) का कारण देश बन्दाबन्दी(लकडाउन)मा रहेका बेला जनस्तरबाट समेत सेवाको घोषणा हुँदै आएका समाचारहरु आइरहेका छन् ।यसैक्रममा सूर्यविनायक ७ गुण्डूका एक युवाले आफ्नो सवारीलाई बिरामी बोक्न प्रयोग गर्ने घोषणा गरेका छन् ।

    सूर्यविनायक नगरपालिका वडा नं ७ गुण्डू मन्थली निवासी राज कार्कीले आफ्नाे निजी कारलाई याे संकटकाे घडीमा बिरामी बोक्न प्रयोग गर्ने घोषणा गरेका हुन् । स्थानीय व्यवसायी समेत रहेका ४० वर्षिय युवा कार्कीले आफ्नो सामाजिक उत्तरदायित्व बहन गर्दै निजी कार बिरामीलाई स्वास्थ्य संस्थामा लानल्याउन प्रयोग गर्ने बताए ।

    ” दमलगायतका असाध्य रोगले ग्रस्त जेष्ठ नागरीक र बिरामी बालबालिकालाई सेवा गर्ने सामाजिक भावनाले मैले निजी कार बिरामी बोक्न प्रयोग गर्ने भएको हुँ ।” भक्तपुर पोस्ट संग उनले भने । बा५च २९४४ नम्बरको निजी कारलाई शनिवार बाटै सार्वजनिक हितमा प्रयोग गर्ने उनको भनाइ छ । स्वास्थ्य समस्या भएमा बिना संकोच आफूलाई सम्पर्क गर्न उनले गुन्डूका स्थानीयलाई अपिल समेत गरेका छन् ।

    वडा नं ७ का वडा अध्यक्ष रविन्द्र सापकोटाले कार्कीको यो कदम युवा पुस्तालाई पाठ समेत भएको बताए । युवाहरु संकटको घडीमा स्वयम् सेवाको लागि अग्रपङ्तीमा आउनुपर्ने भन्दै उनले कार्कीको कदमको प्रशंसा गरे । ”राजजीले निजी कारबाट सामाजिक सेवा गर्न उत्साह देखाउनु भएकाेले लक डाउनकाे सवारी पास उपलब्घ गराएका छौं । बिरामीकाे सेवा गर्न गुण्डू एम्बुलेन्सका अलावा उहाँको सवारी समेत गुण्डूमा तयार भएकाे छ ।” वडा अध्यक्ष सापकोटाले भने ।

    यदि तपाई गुण्डूवासी हुनुहुन्छ र बिरामी लिएर स्वास्थ्य संस्था जान चाहनुहुन्छ भने गुण्डू एम्बुलेन्स लाई ९८४१३९५१९९ नम्बरमा अथवा राज कार्कीलाई ९८५१२४७५५१ नम्बरमा सम्पर्क गरी सेवा लिन सक्नुहुने बताइएकाे छ ।

    फोटो : रविन्द्र सापकोटाको फेसबुकबाट

    प्रतिकृया दिनुहोस्

    मध्यपुर थिमिमा जेष्ठ नागरिक र गर्भवतीलाई नि:शुल्क वडागत स्वास्थ्य सेवा शुरु

    भक्तपुरको मध्यपुर थिमि नगरपालिकाले जेष्ठ नागरिक र गर्भवती महिलाहरुको लागि नि:शुल्क वडागत स्वास्थ्य सेवा शुभारम्भ...

    साथीको घरमा युवकको शव फेला

    भक्तपुरको चाँगुनारायण– ४ मा एक युवक मृत फेला परेका छन् । १९ वर्षीय निरोज लामा...

    चाँगुनारायणमा ५० जनालाई झोल साबुन बनाउने तालिम

    प्रमुख प्रतिपक्षी दल नेकपा (माओवादी केन्द्र) को महिला संगठन अनेमसंघ (क्रान्तिकारी)ले चाँगुनारायणमा सिपयुक्त स्वरोजगार गृहिणी...

    भारतमा नेपाली विद्यार्थीमाथि दमन भएको भन्दै भक्तपुरमा बिरोध प्रदर्शन

    भारतको ओडिसा राज्यको राजधानी भुवनेश्वरस्थित कलिंगा इन्स्टिच्युट अफ इन्डस्ट्रियल टेक्नोलोजी (केआईआईटी) विश्वविद्यालयमा अध्ययनरत एक नेपाली...

    कुकुरलाई हेर्ने दृष्टिकोण बदलौँ !

    “कुकुर” समाजमा हुने अरु प्राणीसरह नै हो । अझ भन्ने हो भने कुकुरको काम अरू...