भक्तपुर, १९ चैतजिल्ला प्रशासन कार्यालय भक्तपुरले उपत्यका बाहिरका जिल्लामा दिंदै आएको सवारी पास अनुमति पत्र नदिने भएको छ । जिप्रकाले उपत्यकाका ३ जिल्ला बाहेक अन्य जिल्लाको लागि सवारी पास अनुमति पत्र नदिने भएको हो ।
मंगलवार एक सूचना सार्वजनिक गर्दै जिप्रका भक्तपुरले यस अघि दिंदै आएको सवारी पास अनुमति पत्र लाई नियन्त्रित गर्दै उपत्यका बाहिरका जिल्लाका लागि जारी नगर्ने जनाएको छ । चैत १८ गतेदेखि उक्त सेवामा रोक लगाइएको जिप्रका भक्तपुरले जनाएको हो ।
सरकारले आदेश गरेको बन्दाबन्दीको एक साता वित्दा पनि उपत्यका छाड्नेक्रम नरोकिएपछि जिप्रकाले उक्त निर्णय गरेको हो ।
अत्यावस्यक ठहरीय उपत्यका भित्र भक्तपुर, काठमाडौं र ललितपुर जिल्लाका लागि भने सवारी पास दिने काम नरोकिएको बताइएको छ । भक्तपुर जिल्ला भित्र र बाहिरका पत्रकारका लागि भने सूचना बिभागले जारी गरेको परिचय पत्रको आधारमा सवारी पास अनुमति पत्र प्रदान गरिने जिप्रका भक्तपुरले जानकारी गराएको छ ।
त्यसैगरी मंगलवार नै प्रमुख जिल्ला अधिकारी हुमकला पाण्डेद्वारा जारी गरिएको आदेशमा चैत २५ गते राती १२ बजेसम्म लाई लक डाउनको घोषणा गरिएको छ भने खाद्यान्न र तरकारी लगायतका पसललाई खुकुलो बनाउदै यस अघि चैत ११ मा जारी गरिएको ‘तोकिएको समय सम्म खोल्ने’ व्यवस्था हटाइएकाे छ ।यस्ता पसलहरु खोल्न समयको बन्देज लगाइएको छैन ।