News Portal

  • नगर प्रमुखलाई पछ्याउदौ उपप्रमुख बस्नेत : बस्नेतले पनि घर भाडा नलिने

    भक्तपुरपोस्ट संवाददाता सूर्यविनायक, २३ चैत
    १८१३ पटक
    सूर्यविनायक, २३ चैत

    सूर्यबिनायक नगरपालिका प्रमुख बासुदेव थापालाई पछ्याउदै उप प्रमुख जुना बस्नेतले पनि आफ्नो घरमा भाडा लिएर बसिरहेका डेरावालको भाडा नलिने भएकी छन् ।

    उपप्रमुख बस्नेतले आफ्नो सूर्यविनायक नगरपालिका वडा नम्बर २ स्थित निजी निवासमा २ फ्ल्याट भाडामा लगाएकी छन् । आइतवार उनले आफ्नो घरमा डेरा गरी बस्नेहरुको एक महिनाको भाडा नलिने बताएकी हुन् ।

    ”नेपाल सरकारले घरधनीलाई भाडा नलिन अनुरोध गरे अनुरूप चैत्र महिनाको घरभाडा नलिने निर्णय गरेकाे छु ।” उनले भनिन् । यस अघि शनिवार सूर्यविनायकका मेयर बासुदेव थापाले काठमाडौ ३१ स्थित आफ्नो घरमा भाडामा लगाएका छ फल्याटको भाडा नलिने घोषणा गरिसकेका छन् । त्यतिमात्र होइन, मेयर थापाले भक्तपुर पोस्टसंग कुरा गर्दै  आफ्नो नगर भित्र पनि सक्ने घरधनीले मन खोल्न र १ महिनाको भाडा मिनाहा गर्न समेत अपिल गरेका छन् ।

    मेयर र उपमेयरलाई पछ्याउदै सूर्यविनायक नगर भित्रका कतिजना घरधनीले घरभाडा नलिने निर्णय लिन्छन् त्यो भने हेर्न बाँकी नै छ ।

    कोभिड१९ का कारण देश बन्दाबन्दीमा रहेको र यस संकटको घडीमा डेरावालसंग भाडा नलिन सरकारले घरधनीलाई अपिल गरेको छ भने दैनिक ज्यालामजदुरी गरि खाने विपन्न र असहायहरूलाई स्थानीय सरकार मार्फत राहत उपलब्ध गराउदै आएको छ । कोभिड१९ ले नेपालमा संक्रमितमार्फत एक स्थानीयलाई समेत संक्रमित बनाएकोले यो दोश्रो चरणमा प्रवेश गरेको आशंका गरिएको छ । यसलाई महामारीको रुप हुनबाट रोक्न सरकारले बन्दाबन्दीलाई अझ कडाइ गर्दै एक स्थानीय तहबाट अर्कोमा प्रवेश निषेधको निर्णय लिएको छ ।

    प्रतिकृया दिनुहोस्

    आदर्शस्थित औषधी पसलमा आगलागी, लाखौंको क्षती

    भक्तपुरको सूर्यविनायक नगरपालिका आदर्श चोक स्थित एक औषधी पसलमा एकाबिहानै आगलागी भएको छ । इन्द्र...

    राधेराधेस्थित हनुमन्ते खोलामा स्कुटी सहित मानिस मृत फेला

    भक्तपुरको राधेराधेस्थित हनुमन्ते खोलामा स्कुटी सहित एकजना व्यक्ति मृत अवस्थामा फेला परेका छन । मध्यपुर...

    मध्यपुर थिमिमा ब्लड बैंक स्थापना हुने, लायन्स क्लवले १ करोड ३२ लाख सहयोग गर्ने

    मध्यपुर थिमि नगरपालिकाले संचालन गरेको नेपाल कोरिया मैत्री नगरपालिका अस्पतालमा ब्लड बैंक स्थापनाका लागि लायन्स...

    बालकोट बस्ने ३२ वर्षिया बुढाथोकी पक्राउ

    उदयपुरको त्रियुगा नगरपालिका वडा नं. ३ घर भई हाल भक्तपुरको सूर्यविनायक नगरपालिका वडा नम्बर-१ बालकोट...

    नयाँ सत्ता समीकरणसंगै तीन मन्त्रीले लिए सपथ

    नयाँ सत्ता समीकरण संगै तीन मन्त्रीले सपथग्रहण गरेका छन् । प्रधानमन्त्री पुष्पकमल दाहाल प्रचण्डको सिफारिसमा...