News Portal

  • रोकियो खरीपाटी क्वारेन्टाइनका २ जनाको रिपोर्ट : कोरोना पोजेटिभ नदेखिएको दावी

    संजीप शुभचिन्तक चागुँनारायण, २३ चैत
    ३९३४ पटक
    चागुँनारायण, २३ चैत

    फाइल फाेटो

    खरिपाटीस्थित नेपाल विद्युत् प्राधिकरणको तालिम केन्द्रमा बनाइएकाे क्वारेन्टाइनमा ९६ जनालाई राखिएकाे छ । क्वारेन्टाइनबाट ९६ जनाकै नाक र घाँटीको स्वाब संकलन गरेर कोरोना भाइरस (काेभिड १९) परीक्षणका लागि पठाइएकाे भएपनि टेकुले ९४ जनालाई मात्र कोरोना नेगेटिभ पुष्टि गरेको छ ।

    आइतबार स्वास्थ्य तथा जनसंख्या मन्त्रालयका प्रवक्ता डा. विकास देवकोटाले नियमित पत्रकार सम्मेलन मार्फत भने, ‘खरिपाटी क्‍वारेन्टाइनमा रहेका सबै ९४ जनाकाे रिपोर्ट नेगेटिभ आएको छ।’ नमूना पठाइएकाे ९६ भएपनि क्‍वारेन्टाइनमा राखिएका ९४ जनाकाे मात्र रिपोर्ट सार्वजनिक भएपछि शंका उठ्नु स्वाभाविक नै हो । कतै २ जनामा कोरोना पोजेटिभ त देखिएन ?

    भक्तपुर पोस्टले यसबारे राखेको जिज्ञासामा स्वास्थ्य तथा जनसंख्या मन्त्रालयका प्रवक्ता डा. विकास देवकोटाले २ जनाको रिपोर्ट आउँन नसकेको उल्लेख गरे ।” स्वाब संकलन गर्दा मात्रा नपुगेको कारण २ जनाको रिपोर्ट नआएको हो । यसमा शंका मान्नुपर्ने अवस्था छैन ।” भक्तपुर पोस्टसंग उनले भने ।

    भक्तपुर पोस्ट श्रोतले समेत डा. देवकोटाको भनाइलाई पुष्टि गरेको छ । श्रोतको अनुसार २ जनामा कोरोना पोजेटिभ देखिएर पुन:परीक्षण गर्न खोजिएको होइन । भिटिएम परीक्षणको क्रममा आवस्यक मात्रा नपुगेपछि २ जनाको रिपोर्ट स्थगित भएको हो । ”आजै उनीहरुको स्वाब संकलन गरी पुन:परीक्षणका लागि पठाइएको छ । सम्भवत: भोली नै रिपोर्ट आउँन सक्छ ।” श्रोतले भन्यो ।

    अन्तराष्ट्रिय उडानमा प्रतिबन्ध लगाइएपछि पनि जवर्जस्ती नेपाल आएका ९६ जनालाई खरीपाटी क्वारेन्टाइनमा राखिएको छ । खरीपाटीमा शुरुमा ७३ जना थिए पछि २३ जना थपिएर अहिले ९६ जनालाई राखिएको छ । चीनबाट उद्धार गरिएकाकै जस्तोगरी उनीहरुलाई राखिएको छ । शुरुमा बस्न नमान्नेहरु अहिले त्यहाँको व्यवस्थापन देखेर खुशी छन् ।

    प्रतिकृया दिनुहोस्

    देश वृद्धाश्रम बन्ने खतरा रहेको उपप्रधान एवं गृहमन्त्री श्रेष्ठको खुलासा

    काठमाडौँ । उपप्रधान तथा गृहमन्त्री नारायणकाजी श्रेष्ठले युवाहरू बिदेसीने र उतै पलायन हुने क्रम बढेकोले...

    भक्तपुरको समाजलाई बुद्धिजीवीकरण गर्न र अनुशासित बनाउन स्काउट महत्त्वपूर्ण

    भक्तपुर । भक्तपुुरका नवनियुक्त स्काउटहरुलाई पदाधिकारीहरुलाई बधाई तथा शुभकामना कार्यक्रम सम्पन्न भएको छ । नेपाल...

    अस्पतालमा रुद्री !

    भौतिकवादको थलो अस्पतालमा भगवान शिवको आरधना गर्दै रुद्री पूजा गरिएको छ । वागमती प्रदेश सरकारको...

    भान्सामा महंगीको मार पर्न नदिन पहल, सस्तियो मूल्य

    भान्सामा प्रयोग हुने मसाला जिराको भाउ भारीमात्रामा घटेको छ । पछिल्लो समय जिराको मूल्य घटेको...

    ३५ दिनदेखि सिटिइभिटिका कर्मचारीहरु आन्दोलित, पेल्ने पक्षमा नेतृत्व

    सानोठिमीस्थित प्राविधिक शिक्षा तथा व्यावसायिक तालिम परिषद (सिटिइभिटि) का कर्मचारीहरु आन्दोलित भएका ३५ दिन पुगेको...