News Portal

  • सेवामा भक्तपुरका सुनचाँदी व्यवसायी : स्वास्थ्यकर्मीलाई सुरक्षा सामाग्री हस्तान्तरण

    भक्तपुरपोस्ट संवाददाता भक्तपुर, ३ बैशाख
    २०७५ पटक
    भक्तपुर, ३ बैशाख

    नेपाल सुनचाँदी व्यवसायी संघ भक्तपुर शाखाले भक्तपुर अस्पताललाई स्वास्थ्य सुरक्षा सामाग्री उपलब्ध गराएको छ । नोभल कोरोना भाइरस(कोभिड १९)को रोकथाम र नियन्त्रणमा जिल्लाको मूख्य भूमिकामा रहेको भक्तपुर अस्पताललाई स्वास्थ्य सुरक्षा सामाग्री उपलब्ध गराइएको हो ।

    सुनचाँदी व्यवसायी संघ, भक्तपुरका अध्यक्ष प्रदीपरत्न शाक्यको नेतृत्वमा भक्तपुर अस्पताललाई १० सेट पर्सलन प्रोटेक्टिभ इक्विपमेन्ट (पीपीई) हस्तान्तरण गरिएको हाे । अध्यक्ष प्रदीपरत्न शाक्यले १० थान पीपीई संगै ३ सय जोर पन्जा र १ सय ३० बोतल सेनिटाइजरसमेत सोमबार भक्तपुर अस्पतालको मेडिकल सुपरिटेण्डेण्ट डा सुमित्रा गौतमलाई हस्तारण गरेका हुन् ।

    उक्त स्वास्थ्य सुरक्षा सामाग्री ग्रहण गर्दै मेसु डा गौतमले सुनचाँदी व्यवसायीले स्वास्थ्यकर्मी प्रति देखाएको सद्भाव र मायाले आफूहरुमा अझ दायित्वबोध बढेको बताउंदै भक्तपुर अस्पताल जनसेवामा अहोरात्र लागिरहने प्रतिवद्धता प्रकट गरेकी थिइन् । त्यसैगरी अध्यक्ष शाक्यले अस्पताल व्यवस्थापन समितिका अध्यक्ष मिलन सुवालको समन्वयमा आफूहरुले स्वास्थ्य सुरक्षाको सामाग्री उपलब्ध गराएको जानकारी गराउदै सुरक्षित स्वास्थ्यकर्मीले नै कोरोनाबाट जनतालाई सुरक्षा दिनसक्ने विस्वास व्यक्त गरे । उक्त अवसरमा सुनचाँदी व्यवसायी संघ, भक्तपुरका सल्लाहकार पद्मसुन्दर शाक्य,कोषाध्यक्ष मतिना शाक्य, महासचिव पद्मसुन्दर शाक्य थालाछें, सदस्यहरु राजन शाक्य र बिजयसुन्दर शाक्य समेत उपस्थित रहेका थिए ।

    अध्यक्ष प्रदीपरत्न शाक्यका अनुसार संघमा भक्तपुरका १२० सुनचाँदी व्यवसायी आवद्ध रहेका छन् । उनले केन्द्रीय समितिको तर्फबाट पन्ध्र लाख रुपियाँ कोरोना कोषमा जम्मा गरिएको समेत जानकारी गराए ।

    प्रतिकृया दिनुहोस्

    भक्तपुर आएर पूर्व अर्थमन्त्री पुनले भने, ‘नेताहरु शिशाको घरमा छन्’

    पूर्व अर्थमन्त्री एवं नेकपा(माओवादी केन्द्र)का उपमहासचिव वर्षमान पुन अनन्तले राजनीतिक दलका नेताहरु शिशाको घरमा रहेका...

    भक्तपुर जिल्ला अदालतका ३ हजार ६ सय ८१ मुद्दा फर्छ्यौट

    भक्तपुर जिल्ला अदालतमा एक वर्षमा ३ हजार ६ सय ८१ मुद्दा फर्छ्यौट गरिएको बताइएको छ...

    एसईईमा राम्रो नतिजा ल्याउने विद्यार्थी र विद्यालयलाई एनप्याब्सन भक्तपुरको अभिनन्दन

    नेसनल प्याव्सन भक्तपुरले आफ्ना सदस्य विद्यालयहरुबाट यस वर्षको माध्यमिक शिक्षा उतीर्ण परीक्षा (एसईई) मा सम्मिलित...

    प्रधानमन्त्री ओलीसहित २१ मन्त्रीले लिए सपथ

    प्रधानमन्त्री केपी शर्मा ओलीले प्रधानमन्त्रीको शपथ लिएका छन् । सोमबार राष्ट्रपति कार्यालय शीतल निवासमा आयोजित...

    नौ भाषामा दखल भएका रिजाललाई ५० हजार राशीको प्रतिभा पुरस्कार

    भाषा तथा सस्कृतिकर्मी भक्ती रिजाल प्रादेशिक “प्रतिभा” पुरस्कार बाट सम्मानित भएका छन् । रिजाललाई संघीय...