भक्तपुर, ६ वैशाख, २०७७टेकुस्थित शुक्रराज ट्रपिकल तथा सरुवा रोग अस्पतालका वरिष्ठ डाक्टरलाई सरकारले कारवाहीको तयारी गरेको छ । स्वास्थ्य तथा जनसंख्या मन्त्रालयले एक स्पष्टिकरण सोध्दै डाक्टर शेर बहादुर पुनलाई कारवाहीको तयारी गरेको हो ।
श्रोतका अनुसार कोरोनाको सम्बन्धमा मिडियामा बोलेको कारण मन्त्रालय उनीदेखि असन्तुष्ट रहदै आएको छ । बिगत १५ वर्ष देखि उक्त अस्पतालमा कार्यरत डा पुनले सरुवा रोग सम्बन्धमा पिएचडी गरेका छन् ।
डा. पुनलाई कोरोनाबारे सूचना दिएको, बिरामीका गोप्य विवरण पत्रकारलाई उपलब्ध गराएको विषयमा कारवाही किन नगर्ने भनि स्पष्टिकरण सोधिएको बताइएको छ । हाल टेकुअस्पतालमा रही कोरोना बिरुद्ध लागिरहेका डा. पुनले पुष महिनामै चीनमा सार्स जस्तो रोग देखिएकाले नेपालले सचेतता अपनाउनुपर्ने भन्दै लेख लेखेका थिए भने उनी सरकारी तयारीबारे मिडिया मार्फत असन्तुष्टि व्यक्त गरेका थिए । उनलाई सोधिएको स्पष्टिकरण बेमौसमी भएको भन्दै स्वास्थ्य मन्त्रालयको आलोचना भैरहेको छ ।