सरकारले सूर्यविनायक धुलिखेल सडक विस्तारका लागि बजेट बिनियोजन गरेको छ । हेटौडा काठमाडौ जोड्ने कान्तिराजपथ बिस्तार संगै सरकारले सूर्यविनायक धुलिखेल सडक विस्तारका लागि बजेट बिनियोजन गरेको हो ।
संसदमा आगामी आर्थिक वर्ष २०७७/७८ को बजेट प्रस्तुत गर्दै अर्थमन्त्री डा. युवराज खतिवडाले यी सडक विस्तारका लागि १ अर्व २० करोड छुट्याइएको बताए ।
उनले भक्तपुरको दुवाकोटमा बिस्तार गरिने बीर अस्पतालको पूर्वाधार बिकाशका लागि पनि बजेट बिनियोजन गरेको बताएका छन् । अर्थमन्त्री डा. युवराज खतिवडाकाे याे तेस्राे बजेट भाषण हाे । यस पटक उनले स्वास्थ क्षेत्रको पूर्वाधार विकाशमा जोड दिएर बजेट प्रस्तुत गरिरहेका छन् ।
अर्थमन्त्री डा.खतिवडाले बिहीबार संघीय संसदको दुवै सदनमा कुल १४ खर्ब ७४ अर्ब ६४ करोड रुपैयाँको बजेट पेश गरेका छन् ।उनले चालु आर्थिक वर्षका लागि १५ खर्ब ३२ अर्ब ९६ करोड ७१ लाख रुपैयाँको बजेट ल्याएका थिए । यसको तुलनामा आगामी आर्थिक वर्षको बजेट रकम केहि घटेको छ ।