भक्तपुर, १५ जेठभक्तपुर । भक्तपुरकी पछिल्लो कोरोना संक्रमित पनि कोरोना मुक्त भै घर फर्किएकी छन् । भक्तपुरमा चौथो संक्रमित पुष्टि भएकी ४२ वर्षिया महिला कोरोनालाई जितेर घर फर्किएकी हुन् ।
भक्तपुर नगरालिका वडा नम्बर ९ की निर्वाचित वडा सदस्य समेत रहेकी उनी बिहीवार अस्पतालबाट डिस्चार्ज भै घर आएकी वडाध्यक्ष रवीन्द्र ज्याख्व:ले जानकारी गराए । वडाध्यक्ष ज्याख्व:ले भक्तपुर पोस्ट लाई दिएको जानकारी अनुसार दोहोर्याएर गरिएको पिसिआर रिपोर्टमा कोरोना नेगेटिभ देखिएपछि उनी बिहीवार अस्पतालबाट डिस्चार्ज भएकी हुन् ।
टेकुस्थित रास्ट्रिय जनस्वास्थ्य प्रयोगशालामा गरिएको पिसिआर परीक्षणमा कोरोना पोजेटिभ प्रमाणित भएपछि उनलाई पाटन अस्पतालको आइसोलेसनम राखी उपचार गरिएको थियो । बुधवारको रिपोर्टमा कोरोना नेगेटिभ आएपछि पुन: प्रयोगशालामा उनको स्वाब परीक्षणको लागि लगिएको थियो । ”बिहीवारको रिपोर्ट पनि कोरोना नेगेटिभ आएपछि उहाँलाई अस्पतालले डिस्चार्ज गरिदिएको हो ।” वडाध्यक्ष ज्याख्व:ले भने ।