भक्तपुर, १६ जेठभक्तपुर निवासी नेपाल प्रहरीका पूर्वडिएसपी राजकुमार खिउजू पुर्पक्षका लागि जेल चलान भएका छन् । जवर्जस्ती करणीको आरोप लागेका खिउजू पुर्पक्षका लागि जेल चलान भएका हुन् ।
जवर्जस्ती करणीको आरोपमा खिउजू गत फागुन २१ गते भक्तपुरबाट प्रकाउ परेका थिए । उनीमाथि ललितपुर ठुलादुर्लुङकी एक युवतीलाई जबरजस्ती करणी गरेको आरोपमा मुद्दा सुनुवाई पछि ललितपुर जिल्ला न्यायाधीश चुडामणि खड्काको एकल इजलासले उनलाई पुर्पक्षका लागि कारागार पठाउने आदेश दिएको हो ।
खिउजूले महानगरीय प्रहरी वृत्त, चापागाउँको प्रमुख रहँदा एक सेवाग्राही युवतीलाई पटकपटक यौनहिंसा गरेको ती युवतीले आरोप लगाउँदै महानगरीय प्रहरी परिसर ललितपुरमा गत माघ २३ गते किटानी जाहेरी दर्ता गरेकी थिइन् ।
महानगरीय प्रहरी वृत्त, चापागाउँमा प्रहरी प्रमुख रहेका बेला खिउजूले आफूमाथि पटकपटक यौनहिंसा गरेको आरोप लगाउँदै पिडित भनिएकी युवतीले किटानी जाहेरी दर्ता गराएकी हुन् ।
सुरक्षा गार्डको जागिर खान पुलिस रिपोर्ट बनाउन पुगेकी चापागाउँ डेरा गरी बस्ने ती युवतीलाई खिउजुले आफ्नै कार्यकक्षमा जबरजस्ती करणी गरेको उजुरीमा उल्लेख गरिएको छ । खिउजूले भने आफू निर्दोष रहेको जिकिर गर्दै आएका छन् । मुद्दाको अन्तिम फैसला भने हुन बाँकी नै छ ।