भक्तपुर, २० जेठभक्तपुरको गठ्ठाघर निवासी गृह मन्त्रालयका उपसचिव कृष्ण पौडेल ओखलढुङ्गा जिल्लाको सिडिओमा सरुवा भएका छन् । गृह मन्त्रीस्तरीय निर्णयबाट पौडेल ओखलढुङ्गा जिल्लाको सिडिओमा सरुवा भएका हुन् ।
सरुवा हुनु अघि उनी गृह मन्त्रालयको कर्मचारी प्रशासन शाखामा कार्यरत उपसचिव हुन् । यस अघि रसुवा जिल्लाको सिडिओ भई काम गरेको अनुभव समेत उनीसंग छ । त्यतिमात्र होइन, ३२ वर्षकाे उमेरमै रसुवाको सिडिओ भएका पौडेल गत वर्ष गृहले दिएको नम्बरको आधारमा ७७ जिल्लाको सिडिओ मध्ये ९०.६९% प्राप्ताङ्क र ए प्लस ग्रेड प्राप्त गरी देशभरको सिडिओ मध्ये कार्यसम्पादनमा तेश्रो बन्न सफल भएका थिए ।
उनले रसुवामा रहँदा सेवाग्राही सर्वसाधारणलाई रुची अनुसार नि:शुल्क तातो/ चिसो पानी र चिया पिउने व्यवस्था मिलाउनुका साथै फ्रि वाइफाई, सेनिटरी प्याड र आपतकालिन औषधी सहित फष्ट एडका सुविधा समेत उपलब्ध गराएपछि जिल्लाबासी माझ लोकप्रिय बनेका थिए । चीनसंग जोडिएको नाकामा उनकै पहलमा पहिलोपटक भन्सारमा मेसिनबाट सामान जाच्ने व्यवस्था मिलाइएको थियो भने अर्बौ राजस्व उठाउने यस नाकालाई उनले थप व्यवस्थित बनाएका थिए । स्थानीयसंग राम्रो समन्वय गर्ने र जनतालाई केन्द्रमा राखेर निर्णय गर्न सक्ने पौडेल गृह प्रशासनमा आशालाग्दा युवा नेतृत्व मानिन्छन् ।