चागुँनारायण, २० जेठभक्तपुरमा ४ जना संक्रमित सन्चो भएर घर फ़र्किएपछि शुन्य अवस्थामा रहेको संक्रमितको संख्या एकैपटक ह्वात्तै बढेको छ । भक्तपुरमा मंगलवार ४ जनामा कोरोना संक्रमण पुष्टि भएको हो ।
चाँगुनारायण नगरपालिका वडा नं. ३ को झौखेल निवासी एक गर्भवती महिलामा कोरोना संक्रमण पुष्टि भएको छ। दुवाकोटस्थित काठमाडौँ मेडिकल कलेज शिक्षण अस्पताल(केएमसी) अस्पतालमा प्रसुतीका लागि पुगेकी ३० वर्षिया ति महिलाको कोरोना टेस्ट गर्दा पोजेटिभ देखिएको हो ।
त्यसैगरी सोही अस्पतालका एक चिकित्सक र तीन नर्स पनि कोरोना संक्रमित बनेका छन् । केएमसी अस्पताल श्रोतले भने उनीहरु दुवाकोटस्थित अस्पतालका मेडिकल स्टाफ नभएको दावी गरेको छ । ”सिनामंगलस्थित काठमाडौँ मेडिकल कलेज शिक्षण अस्पतालमा कार्यरत एक जना चिकित्सक, दुई जना स्टाफ नर्स कोरोना संक्रमित भएका हुन् ।” श्रोतले भन्यो ।
भक्तपुर पोस्ट श्रोतका अनुसार केही दिन अघि केएमसीमा परीक्षण तथा शल्यक्रिया भएका एक बिरामीको कोरोना पोजेटिभ देखिएपछि उनको उपचारमा आवद्ध टोलीलाई चाँगुनारायण नगरपालिका वडा नं. २ दुवाकोट स्थित केएमसीको होस्टलमा क्वारेन्टाइन बनाएर राखिएको थियाे । तीनैमध्ये मंगलवार १ चिकित्सक र २ स्टाफ नर्समा कोरोना पुष्टि भएको बताइएको छ ।