भक्तपुर । आइतवार कमलविनायक भत्केपाटीमा भएको सवारी दूर्घटनामा एक जनाको मृत्यु भएको छ ।

साँझ ५ः४५ बजे खरिपाटीबाट कमलविनायक तर्फ आउँदै गरेको बा ९५ प १४५५ नम्बरको मोटरसाइकल भत्केपाटीमा आफै अनियन्त्रीत भई सडकको नालीमा खस्न गई दुर्घटना भएको हो । दुर्घटनामा भक्तपुर नपा–१० कमलविनायक बस्ने वर्ष १७ का रन्जित माहाजुको मृत्यु भएको प्रहरीले जनाएको छ ।

दुर्घटनाको सूचना पाउन साथ गस्तीमा रहेको प्रहरी टोलीले मोटरसाइकल चालक माहाजुलाई उपचारको लागि भक्तपुर अस्पताल लगी प्राथमिक उपचार पश्चात थप उपचारका ६ः२० मा ट्रमा सेन्टर रिफर गरिएकोमा उनको १०ः१४ मा उपचारकै क्रममा मृत्यु भएको प्रहरीले जनाएको छ ।

हाल मोटरसाइकल महानगरीय ट्राफिक प्रहरी प्रभाग कमलविनायकको नियन्त्रणमा रहेको र थप अनुसन्धान कार्य भईरहेको प्रनाउ दिपक गिरीले जानकारी दिए ।