News Portal

  • ओली पक्ष सडकमा ओर्लियो, भक्तपुरमा पनि प्रदर्शन

    भक्तपुरपोस्ट संवाददाता भक्तपुर, १९ असार
    १३३७ पटक
    भक्तपुर, १९ असार

    सत्तारुढ दल नेकपा भित्रको कलह सडकसम्म आइपुगेको छ । पार्टीमा सत्ता परिवर्तनको विषयले व्यापक महत्व पाएपछि प्रधानमन्त्री केपी ओली पक्ष सडकमा ओर्लिएको हो ।

    शुक्रवार सूर्यविनायकमा प्रधानमन्त्री केपी ओलीको पक्षमा उनका केही समर्थकहरुले प्रदर्शन गरेका छन् । विहीवार प्रधानमन्त्री ओलीले आफ्नो पद धरापमा परेकोले आफ्नो पक्षमा उभिन युवा विद्यार्थी लाई आह्वान गरेको समाचार बाहिरिए संगै शुक्रवार विहानै सूर्यविनायकमा प्रदर्शन भएको हो । आयोजकले भने प्रदर्शन स्वस्फूर्त भएको जिकिर गरेका छन् । प्रदर्शनमा ओली पक्षका एक खम्बा मानिने भक्तपुरका सांसद एवम् केन्द्रिय सदस्य महेश बस्नेत लगायत नेताहरु भने उपस्थित थिएनन् तर उनी निकट कार्यकर्ताको भने बाक्लो उपस्थिति रहेको थियो ।

    बिहीबार राती प्रधानमन्त्री ओलीको पक्षमा भक्तपुरमा  मसाल जुलुसको आह्वान गरिएको भएपनि अन्तिम समयमा त्यो स्थगित गरिएको थियो । मसाल जुलुस गर्नेलाई समात्न साझबाटै प्रहरी चोकचोकमा तैनाथ भएपछि उक्त कार्यक्रम स्थगित भएको श्रोतले जनाएको छ ।

    बिहीवार सभामुखलाई समेत थाँहा नदिइ संसद अधिवेशन अन्त्य गरिएपछि नेकपाभित्र प्रधानमन्त्री ओली अझै आलोचित बनेका छन् । आलोचकहरुले पार्टी र संसदबाट भागेर उनी सडकमा पुगेको र त्यो दूर्भाग्यपूर्ण भएको बताएका छन् ।

    राजनीतिक विश्लेषकहरुका अनुसार भने नेकपा फुट नजिक पुगेको छ । पार्टीको कुरा सडकमा पुर्याउनुलाई उनीहरु पार्टी फुटलाई जस्टिफाइ गर्ने  योजनाको रुपमा परिभाषित गर्दछन् । नेकपाका नेताहरु भने पार्टी फुट्ने कुरामा सहमत छैनन् । “अध्यक्ष ओली र प्रचण्ड बीच गम्भीर वार्ता चलिरहेछ । उहाँहरुले पार्टीलाई थप एकतावद्ध गरेर लैजानुहुनेछ ।” एक केन्द्रिय सदस्यले विस्वास ब्यक्त गरे ।

     

    प्रतिकृया दिनुहोस्

    यात्रुवाहक सवारीका लागि सोमबारदेखि रुट परमिट खुला

    भक्तपुर । सरकारले यात्रुवाहक सवारीका लागि सोमबारदेखि रुट परमिट खुला गरेको छ । घटस्थापनादेखि पूर्णिमाको...

    डिपी ढकालको प्रश्न-आफ्नै महानगर जलिरहँदा एक बाल्टिन पानी बोकेर निस्कन नसक्नेलाई नायक बनाएर के पाइन्छ?”

    DP dhkal

    भक्तपुर । नेकपा (माओवादी केन्द्र) का केन्द्रीय सदस्य डिपी ढकालले देशलाई रुपान्तरण गर्ने काम कुनै...

    जनप्रतिनिधि र कर्मचारीलाई निजी विद्यालयमा लगानी गर्न रोक्नुपर्छ : महानिर्देशक काप्री

    ललितपुर । शिक्षा तथा मानव श्रोत विकास केन्द्रका महानिर्देशक कृष्णप्रसाद काप्रीले सार्वजनिक शिक्षामा सुधार गर्न...

    जेन-जी आन्दोलनमा भक्तपुरका पत्रकारमाथि आक्रमण र दुर्ब्यवहारको निन्दा

    भक्तपुर । जेन–जी पुस्ताले गरेको आन्दोलनका क्रममा भक्तपुरमा प्रेस तथा अभिव्यक्ति स्वतन्त्रता कुण्ठित भएको प्रति...

    इजरायली बन्दीहरूको ‘बिदाई तस्वीर’मा विपिन जोशी पनि

    भक्तपुर । हमासको सशस्त्र शाखाले गाजामा राखिएका ४८ इजरायली बन्दीहरूको ‘बिदाई तस्वीर’मा नेपालका विपिन जोशीको...