साेमबार ९ र मंगलबार ४ जना काेराेना संक्रमित थपिएकाे भक्तपुरमा बुधबार भने कसैमा पनि संक्रमण देखिएन । बुधबार नियमित प्रेस विफिङ कार्यक्रममा स्वास्थ्य मन्त्रालयले पछिल्लाे २४ घण्टामा भक्तपुरकाे कसैमा पनि संक्रमण नदेखिएकाे पुष्टि गरेकाे छ ।

स्वास्थ्य मन्त्रालयका प्रवक्ता डा. जागेश्वर गौतमले उपत्यकामा २४ जनामा संक्रमण देखिए पनि भक्तपुरमा भने नदेखिएकाे जानकारी दिए । ”काठमाडौंमा १६ र ललितपुरमा ७ जनामा संक्रमण हुदाँ भक्तपुरमा आज संक्रमण देखिएन ।” उनले भने ।

मन्त्रालयका अनुसार आज देशभर २ सय ५५ जनामा कोरोना पुष्टि भएको छ। याे संगै नेपालमा संक्रमित संख्या १६ हजार ४ सय २३ पुगेको छ । त्यसैगरी आज २ सय ५३ संक्रमित निको भएका मन्त्रालयले जनाएकाे छ । याे संगै हालसम्म निकाे हुनेकाे संख्या ७ हजार ७ सय ५२ जना पुगेका छन् ।