भक्तपुरपोष्ट संवाददाताठिमी, १३ साउन
ठिमी, १३ साउन सवारी चालक अनुमतिपत्र (लाईसेन्स)बनाईदिन्छु भनी विभिन्न व्यक्तिहरुसँग रकम माग गरेको आरोपमा एक युवक पक्राउ परेका छन् । पक्राउ पर्ने युवक मुगुको खत्याड -८ स्थायी ठेगाना भइ मध्यपुर ठिमि नगरपालिका मगरगाउँ बस्ने २५ वर्षीय प्रेम राज पाण्डे हुन् ।
उनलाई आइतबार प्रहरीले पक्राउ गरेको हो । चन्द्रागिरी नगरपालिका-३ थानकोट खरिबोटमा त्यहा स्थित यातायात कार्यालयबाट सेटिङ मिलाइ लाईसेन्स बनाईदिन्छु भनी विभिन्न व्यक्तिहरुसँग रकम मागिरहेको भन्ने सूचना प्राप्त हुनासाथ महानगरीय प्रहरी वृत्त थानकोटबाट खटिएको प्रहरीले पाण्डेलाई पक्राउ गरेको बताइएको छ ।
यस सम्बन्धमा थप अनुसन्धान भइरहेको प्रहरीको भनाइ छ ।