भक्तपुरपोस्ट संवाददाता१४ श्रावण २०७७
१४ श्रावण २०७७भक्तपुर । कमलबिनायक स्थित कमलपोखरीमा एकजना डुवेर एकजनाको मृत्यु भएको छ । टुरिष्टु गाईडको काम गर्ने ५१ वर्षीया राजेश खड्काको पोखरीमा डुवेर मृत्यु भएको प्रहरीले जनाएको छ ।
मंगलवार साढे ११ बजे पोखरीमा पसेको र पौडी खेल्दै दुई पटक निस्किदै गरेपनि तेस्रो चोटी पस्दा चाँही पोखरीमा डुबी बेपत्ता भएका थिए ।
पोखरीमा डुबी बेपत्ता भएको भन्ने जानकारी प्राप्त हुनासाथ कमलबिनायकमा रहेको प्रहरी टोली साथै महानगरीय प्रहरी वृत्त जगातीबाट प्रनाउ चक्रराज जोशी र महानगरीय प्रहरी परिसर भक्तपुरबाट पानीबाट उद्दार गर्न सक्ने तालिम प्राप्त उद्दार सामाग्री सहितको प्रनि सुवास बुढाथोकीको टोली घटनास्थलमा पुगी तत्कालै उद्दार गरेको थियो । उद्दार गरी तत्कालै भक्तपुर अस्पताल पुर्याउदा चिकित्सकले उनलाई मृत घोषणा गरेको थियो ।
घटनाका सम्बन्धमा थप अनुसन्धान भइरहेको प्रहरीले जनाएको छ ।