भक्तपुर, १५ साउननेपाली काँग्रेसको नजिकिएको महाधिवेशनका कारण भक्तपुर काँग्रेसमा पनि चुनावी चहलपहल बढेको छ । जिल्ला पार्टीले क्रियाशील सदस्यता वितरणमा केन्द्रित भएर छलफल थालेको छ ।
बिहीवार जिल्ला सभापति दुर्लभ थापाको अध्यक्षतामा विशेष छलफल सम्पन्न भएको हो । यद्यपी थापाले भने बिशेष नभई सामान्य छलफल भएको बताए । उनका अनुसार साथीभाई जम्मा भै खिर खाने कार्यक्रम गरिएको र त्यसमा स्वभावत: सामान्य राजनीतिक छलफल भएका छन् ।
नेपाली काँग्रेस जिल्ला पार्टी कार्यालय भक्तपुरले जनाए अनुसार कार्यक्रममा क्षेत्रीय सभापति, चारवटै प्रदेश सभाका पार्टी सभापति, नगर सभापति तथा वडा सभापतिहरुको उपस्थिति रहेको थियो । कार्यालयका अनुसार उक्त अवसरमा भक्तपुरमा क्रियाशील सदस्यका सम्बन्धमा छलफल गरी साउन १५ अर्थात खिर खाने दिनमा खिर खाइ हर्षोल्लासपूर्वक पर्व मनाइएको छ । केहि कार्यकर्ताले भने जिल्ला समितिलाई नै थाहा नदिई कार्यक्रम गरिएको भन्दै आलोचना गरेका छन् ।
जिल्ला सभापति दुर्लभ थापाले भने कार्यक्रम सुटुक्क नगरिएकाे जिकिर गरे । उनका अनुसार काेभिड १९ का कारण धेरै संख्यामा कार्यकर्ताहरुलाइ सहभागि गराउन नसकिएकाे हाे । सभापति थापाले शंका गर्नुपर्ने अवस्था नरहेकाे भन्दै पार्टी बिधान अनुरुप नै सदस्यता वितरण हुने बताए ।
