News Portal

  • बिना मास्क हिड्नेलाई १ सय जरिवाना गराउँदै भक्तपुर प्रहरी

    निकेशा अधिकारी (तारा)/ भक्तपुरपाेस्टभक्तपुर, २० साउन
    २४४५ पटक
    भक्तपुर, २० साउन

    दुई किसोरीहरु प्रहरीसंग हारगुहार गरिरहेका थिए । उनीहरुलाई कुनै समस्या परेको भने थिएन । न त कुनै अपराधीलाई सजाय नै दिलाउनु थियो । बरु उनीहरुले उल्टै कानुनको उलंघन गरेका थिए । बिना मास्क हिँडडुल गरेपछि उनीहरु प्रहरीको फन्दामा परेका थिए । उनीहरुमध्ये एक किसाेरी बिना मास्क घुम्न निस्किएकी थिइन् । प्रहरीले रु १ सय जरिवाना गराउन खोजेपछि उनीहरु अबदेखि गल्ति नगर्ने बाचा गरिरहेका देखिन्थे ।

    यो दृश्य भक्तपुर दरवार स्क्यायरको हो । दरवार स्क्यायरको बाटो गरेर हिड्ने मानिसहरुलाई प्रहरीले निगरानीमा राखेको ड्युटीमा खटिएका प्रहरीले जानकारी गराए । बिना मास्क हिँड्डुल गर्नेलाई सचेत गराउने र रु १ सय जरिवाना गराउने निर्देशन भएपछि त्यसको कार्यान्वयन गरिएको प्रहरीको भनाइ छ । प्रहरी रसिद नै लिएर जरिवाना उठाउन बसेकाे देखिन्छ ।

    महानगरीय प्रहरी परिसर भक्तपुरकी प्रमुख रहेकी प्रहरी उपरीक्षक तारादेवी थापाका अनुसार मास्क नलगाई हिड्ने क्रम बढेपछि जिल्ला प्रशासन कार्यालय भक्तपुरको निर्देशन बमोजिम जरिवाना गराइएको हो । संक्रामक रोग नियन्त्रण ऐन २०२० अनुसार सरकारी आदेश नमानी मास्क नलगाई हिड्नेलाई रु १ सय जरिवाना गरिएको थापाले बताइन् । उनका अनुसार भिडभाड हुने स्थल पहिचान गरी मानिसहरुलाई निगरानीमा राख्न ब्यापक प्रहरी परिचालन गरिएको छ । दैनिक सयौं मानिसहरुलाई जरिवाना गराई सचेत गराएर छाडिएको उनको भनाइ छ।

    जिप्रका भक्तपुरले आइतवारबाट जरिवाना गराउन थालेको हो । साउन ७ बाट खुलेको लकडाउनपछि उपत्यकामा संक्रमण बढेका कारण गृह मन्त्रालयले मास्क प्रयोगलाई अनिवार्य गरेको छ । गृह मन्त्रालयको निर्देशन बमोजिम जिप्रका भक्तपुरले मास्क प्रयोग नगर्नेलाई निरुत्साहित गर्न जरिवाना गराएको प्रजिअ हुमकला पाण्डे बताउछिन् । मास्क नलगाउने मानिसहरुलाई कोभिड १९ संक्रमणको जोखिम प्रति सचेत गराउनु यसको उदेश्य रहेको प्रजिअ पाण्डेले प्रष्ट पारिन् । उनका अनुसार संक्रामक रोग नियन्त्रण ऐन २०२० अनुसार मास्क लगाउन दिइएको आदेशलाई अपहेलना गर्ने व्यक्ति उपर १ महीनासम्म कैद वा रु. १००।– सम्म जरिबाना वा दुवै सजाय हुनसक्छ ।

    ड्युटीमा खटिएका प्रहरी भने मास्क नलगाएका मानिसहरुसंग आजित छन् । मास्क नलगाई हिड्नेहरुमा धेरैजसो बालबालिका र जेष्ठ नागरिक रहेको र उनीहरुलाई जति सचेत गराए पनि नभएको प्रहरीको गुनासो छ । ”युवाहरुलाई कडाइ गरेर पनि जरिवाना तिराइन्छ तर बालबालिका र जेष्ठ नागरिकलाई जरिवाना गराउन धेरै गाह्रो महसुस गरिएको छ ।”नाम नबताउने सर्तमा ड्युटीमा खटिएका एक प्रहरीले भने ।

    बालबालिका र जेष्ठ नागरिकलाई कोभिड १९ को जोखिम झन् ज्यादा रहने हुँदा अनावस्यक काममा बाहिर ननिस्कन र निस्कीनै परे मास्क लगाउन र स्वास्थ्य सुरक्षा सम्बन्धी मापदण्ड पालना गर्न स्वास्थ्य कार्यालय भक्तपुरका प्रमुख कृष्ण बहादुर मिजार सुझाव दिन्छन् । कोभिड संक्रमणबाट आफू बच्न र अरुलाई पनि बचाउन मास्कको प्रयोगलाई आम मानिसहरुले अनिवार्य गर्नुपर्ने र सामाजिक दुरी कायम राख्नुपर्ने उनको भनाइ छ ।

     

     

    प्रतिकृया दिनुहोस्

    भक्तपुर जिल्ला अदालतका ३ हजार ६ सय ८१ मुद्दा फर्छ्यौट

    भक्तपुर जिल्ला अदालतमा एक वर्षमा ३ हजार ६ सय ८१ मुद्दा फर्छ्यौट गरिएको बताइएको छ...

    एसईईमा राम्रो नतिजा ल्याउने विद्यार्थी र विद्यालयलाई एनप्याब्सन भक्तपुरको अभिनन्दन

    नेसनल प्याव्सन भक्तपुरले आफ्ना सदस्य विद्यालयहरुबाट यस वर्षको माध्यमिक शिक्षा उतीर्ण परीक्षा (एसईई) मा सम्मिलित...

    प्रधानमन्त्री ओलीसहित २१ मन्त्रीले लिए सपथ

    प्रधानमन्त्री केपी शर्मा ओलीले प्रधानमन्त्रीको शपथ लिएका छन् । सोमबार राष्ट्रपति कार्यालय शीतल निवासमा आयोजित...

    नौ भाषामा दखल भएका रिजाललाई ५० हजार राशीको प्रतिभा पुरस्कार

    भाषा तथा सस्कृतिकर्मी भक्ती रिजाल प्रादेशिक “प्रतिभा” पुरस्कार बाट सम्मानित भएका छन् । रिजाललाई संघीय...

    दुर्लभ थापा मन्त्री बन्ने वा नबन्ने भन्नेबारे यस्तो छ महेश बस्नेतको भनाइ

    mahesh basnet bhaktapur 2

    पूर्व मन्त्री एवं नेकपा एमालेका पोलिटब्युरो सदस्य महेश बस्नेतले भक्तपुर-२ का प्रतिनिधि सभा सदस्य दुर्लभ...