News Portal

  • सांसद बस्नेतको १८ करोडको आयोजना बिबादित, आवाज थुनेर शिलान्यास गर्न खाेजेकाे आराेप

    भक्तपुरपोस्ट संवाददाता भक्तपुर,२० साउन
    ५४०५ पटक
    भक्तपुर,२० साउन

    पूर्वमन्त्री समेत रहेका सांसद महेश बस्नेतले शिलान्यास गर्न लागेको १८ करोडको आयोजना बिबादित बनेको छ । उनले झौखेलमा शिलान्यास गर्न लागेको खानेपानी आयोजना बिबादित बनेको हो ।

    सतारुढ़ नेकपाका केन्द्रीय सदस्य समेत रहेका सांसद महेश बस्नेतले बुधवार चाँगुनारायण २ झौखेलमा शिलान्यास गर्न लागेका खानेपानी आयोजनाले एक किसानलाई सुकुम्बासी बनाउने भन्दै नेकपाकै एक नेताले आलोचना गरेका छन् । नेकपा बागमती प्रदेश सुशासन समितिका संयोजक समेत रहेका नेता देवेन्द्र श्रेष्ठले पुस्तौदेखि भोगचलन गर्दै आएका आशाकाजी गोराको जमिन कब्जा गरेर आयोजना निर्माण गर्नु नहुने जिकिर गरेका हुन् ।

    ठेक्काबाट पैसा कमाउन स्थानीय ठेकेदारको मिलेमतोमा जनताको नम्बरी जग्गालाई सरकारी जग्गामा परिणत गरिएको र जग्गाको जग्गाधनी पुर्जा नेपाल सरकारको नाममा हालसालै निकाली उक्त जग्गामा खानेपानीको आयोजनाको लागि १८ करोड बजेट समेत पारिएको उनले जानकारी गराए । यसरी आशाकाजीको करिब डेढ रोपनी जमिन हडपिएर उनलाई सुकुम्बासी बनाउनु न्यायसंगत नहुने नेता श्रेष्ठले बताए ।

    नेता श्रेष्ठका अनुसार जग्गाधनी आशाकाजी गोराले बिरोध जनाउँदा भक्तपुर जिल्ला प्रहरी कार्यालय(महानगरीय प्रहरी परिसर, भक्तपुर)ले आशाकाजीका सम्पुर्ण परिवारलाई नै मंगलवार नियन्त्रणमा लिएर थुनामा राखेको छ । बुधवारको शिलान्यासमा अवराेध नहाेस् भन्नाका लागि पिडितलाई झन् पिडित हुनेगरी थुनामा राख्नुले जनताको आवाज दवाउन खोजेको आशंकालाई थप बलियो बनाउने उनले बताए ।

    आफूसंग भएका तथ्य प्रमाण सहित आफूलाइ अन्याय भएको कुरा ब्यहोरासहित सम्बन्धित निकायमा जाँदा पनि सुनुवाइ हुनुको सट्टा पुस्तैनी जमिन गुमाउनुको साथै उल्टै थुनामा पर्नुले कम्युनिष्ट सरकारकाे खिल्ली उडाउने उनकाे तर्क छ ।

    यस सम्वन्धमा सांसद बस्नेतसंग प्रतिक्रिया लिन खोज्दा सम्पर्क हुन सकेन ।

    अपडेट : बिबादका बीच बुधवार सांसद बस्नेतले आयाेजनाकाे शिलान्यास गरेका छन् । उक्त अवसरमा उनले मिडियामा आउँदैमा र मानिसहरुले बिराेध गर्दैमा आयाेजना नराेकिने बताए । खानेपानी कार्यालयका प्रतिनिधिले भने बिबादित जग्गा भएकाले आयाेजना पूरा हुन गार्हाे हुने जानकारी गराएका थिए । पिडित पक्ष अदालत गएमा आयाेजना अधुराे हुने र राज्यकाे लगानी डुब्ने उनकाे भनाइ छ । सांसद बस्नेतले आयाेजनाकाे शिलान्यास गरेसंगै जग्गाधनी आशाकाजी गोरा र उनका सबै परिवारलाइ प्रहरीले थुनामुक्त गरिदिएकाे छ । सांसद बस्नेत निर्वाचन क्षेत्र नम्बर २ का सांसद हुन् भने उक्त आयोजना क्षेत्र नम्बर १ मा पर्छ ।

    प्रतिकृया दिनुहोस्

    राधेराधेस्थित हनुमन्ते खोलामा स्कुटी सहित मानिस मृत फेला

    भक्तपुरको राधेराधेस्थित हनुमन्ते खोलामा स्कुटी सहित एकजना व्यक्ति मृत अवस्थामा फेला परेका छन । मध्यपुर...

    मध्यपुर थिमिमा ब्लड बैंक स्थापना हुने, लायन्स क्लवले १ करोड ३२ लाख सहयोग गर्ने

    नेपाल कोरिया मैत्री नगरपालिका अस्पतालमा ब्लड बैंक स्थापनाका लागि लायन्स क्लवले १ लाख डलर सहयोग...

    बालकोट बस्ने ३२ वर्षिया बुढाथोकी पक्राउ

    उदयपुरको त्रियुगा नगरपालिका वडा नं. ३ घर भई हाल भक्तपुरको सूर्यविनायक नगरपालिका वडा नम्बर-१ बालकोट...

    नयाँ सत्ता समीकरणसंगै तीन मन्त्रीले लिए सपथ

    नयाँ सत्ता समीकरण संगै तीन मन्त्रीले सपथग्रहण गरेका छन् । प्रधानमन्त्री पुष्पकमल दाहाल प्रचण्डको सिफारिसमा...

    २९ उद्योगी व्यवसायीलाई ‘कर्पोरेट बिजनेश अवार्ड’

    काठमाडौं, २१ फागुन २०८० । कर्पोरेट मिडिया ग्रुपले विभिन्न उद्योगी तथा व्यवसायीहरूलाई अवार्ड तथा सम्मान...