भक्तपुरपोस्ट संवाददाता भक्तपुर, २५ साउन
भक्तपुर, २५ साउनशनिवार राति सडक दुर्घटनामा परेका भक्तपुरका एक २९ वर्षीय युवकको ज्यान गएको छ । भक्तपुर न.पा. १० कमलविनायक बस्ने वर्ष २९ को सुमन श्रेष्ठको ज्यान गएको हो ।
राति करिब ९ बजे जगातीचोकमा उनी सवार मोटरसाइकललाई च्यामासिंहबाट आउदै गरेको बा १९ च ३३८४ नं. को मालबाहक गाडीले ठक्कर दिएको थियो । दुर्घटनामा गम्भीर घाइते भएका उनलाई तत्कालै उपचारका लागी भक्तपुर अस्पताल पठाईएको उपचारकै क्रममा राति करिब २१:४५ बजेको समयमा सम्बन्धित चिकित्सकले मृत घोषणा गरिदिएका थिए ।
मालबाहक गाडी र गाडी चालक रामेछाप सुनापती गा.पा. ७ खनियापानी घर भई हाल शंखमुल बस्ने वर्ष २१ को नारायण बहादुर श्रेष्ठलाई नियन्त्रणमा लिईएको र थप अनुसन्धान कार्य भईरहेको प्रहरीको भनाइ छ ।