मध्यपुर थिमि, २७ साउनसबा ४ बजेदेखि मध्यपुर ठिमीको वडा नं. ६ निकोसेरा स्थित केमिकल कारखानाको गोदाममा लागेको आगो नियन्त्रणमा आएको छ । आगलागीबाट गोदाममा ठूलो भौतिक क्षती भएपनि मानवीय क्षती हुन पाएन ।
ब्लकको एकतले फाईबरले छाएको टहरोमा बिगत दुई बर्ष देखि संचालित युनाईटेड नेपाल केमिकल प्रा.लि.को गोदाममा विद्युत सर्ट हुँदा आगलागी भएको थियो । रुपन्देही घर भई हाल निकोसेरा बस्ने जीवन श्रेष्ठको गोदाममा आगोलागी भएको छ भन्ने जानकारी प्राप्त हुनासाथ एसपी तारादेवी थापा आफै त्यहाँ पुगेकी थिइन् ।
एसपी थापाको कमान्डमा ठिमी वृत्तका प्रमुख रहेका डिएसपी. ऋषिराम कडेल सहितको प्रहरी टोली, सशस्त्र प्रहरी बल,त्यसैगरी ललितपुर र भक्तपुरबाट ३ वटा दमकल र स्थानीयको सहयोगमा करिब २ घन्टामा आगो नियन्त्रणमा आएको थियो । उक्त गोदाम भित्र रहेको कच्चा पदार्थ सेनिटाईजर, हर्पिक, साबुन, स्याम्पु जस्ता सामानहरु जली नष्ट भएको छ । आगलागीबाट अन्दाजी ६० लाख बराबरको क्षति भएको प्रहरीको प्रारम्भिक अनुमान छ ।अगलागीबारे थप अनुसन्धान भईरहेको प्रहरीको भनाइ छ ।