भक्तपुरपोस्ट संवाददाता भक्तपुर, २८ साउन
भक्तपुर, २८ साउन बुधवार भक्तपुरमा कोभिड १९ का ८ बिरामी बढेका छन् । यो संगै कूल संक्रमित संख्या ९७ पुगेको छ ।
स्वास्थ्य तथा जनसंख्या मन्त्रालयका प्रवक्ता डा.जागेश्वर गौतमका अनुसार भक्तपुरमा ८, ललितपुरमा २१ र काठमाडौंमा १११ गरी पछिल्लो २४ घण्टामा काठमाडौं उपत्यकामा १४० जना कोरोना पोजेटिभ पुष्टि भएका छन् ।
यो संगै काठमाडौं उपत्यकामा संक्रमितको संख्या करिब पन्ध्र सय पुगेको छ।
बुधबार देशभर ४ सय ८४ जनामा संक्रमण पुष्टि भएको मन्त्रालयको भनाइ छ। यो संगै देशभर कुल संक्रमितको संख्या २४ हजार ४ सय ३२ पुगेको छ। मन्त्रालयका अनुसार अहिलेसम्म संक्रमणबाट ९१ जनाले ज्यान गुमाएका छन् ।