News Portal

  • बिजुलीको तार काटेर गाई बाँध्ने दाम्लो !

    कर्णबहादुर रोकायाहुम्ला, ३० साउन
    ११३३ पटक
    हुम्ला, ३० साउन

    दुई गाउँको किचलोले बिजुली नबल्दा हुम्लाको सदरमुकाम सिमकोटको छिमेकी ठेहे गाउँका गाउँलेहरुले बिजुलीको तार काटेर गाई बाँध्ने दाम्लो बनाएका छन् । यसबाट करोडौंको लघुविद्युत योजना अलपत्र परेको छ ।

    करीब दुई करोड खर्च गरेर एक दशकभन्दा अघि बनाइएको सदरमुकाम सिमकोटका छिमेकी गाउँहरु बरगाउँ र ठेहेले संयुक्त रुपमा बनाएको टल्की बिजुली आयोजना लथालिङ्ग र अलपत्र परेको छ । यसबाट एकातिर स्थानीय गाउँहरुको श्रम माटोमा मिसिएको छ भने अर्कोतिर जिल्लाकै नमुना बिजुलीको नाममा परिचित लघु जलविद्युत आयोजना अलपत्र परेको छ ।

    स्थानीय गाउँलेहरु पटक पटक हुने अध्यक्ष र कार्यसमितिका व्यक्तिहरुले पटक पटक आउने लाखौंको मर्मत र सम्भारको रकम खाएर योजनालाई लथालिङ्ग पारेको बताउँछन् । आयोजनाका भूपु अध्यक्ष बरगाउँका पदम लामा अब सकेसम्म पूननिर्माण र मर्मत गर्ने प्रयास गरिने र नभए आजसम्म हिनामिना भएको करीब ६० लाखको लेखाजोखाका लागि अख्तियारमा जान बाध्य हुने बताए ।

    यो आयोजना हुम्ला जिल्लामा समुदायस्तरबाट निर्माण गरिएको एक सफल आयोजना हो । तापनि आयोजना विवादबाट मुक्त छैन । वर्षेनी मर्मत सम्भारका लागि आउने दशौं लाखको रकम चलाउन पाउने र नपाउनेको मारमा यो योजना परेको स्थानीय सञ्चारकर्मी सूर्यमणि बोहराको भनाई छ । यहाँका गाउँलेहरु आफूहरुले श्रमदान गरेकोले निःशुल्क बिजुली बाल्न पाउनुपर्छ भन्ने दावी गर्दै आएका छन ।

    बिजुली बाल्दा केही समस्या आउँदा आफै बन्द हुने अटो सिस्टम भएकोले जिल्लाकै सुरक्षित बिजुली मानिएको थियो । तर, एक वर्षदेखि बिद्युत बन्द छ । एकवर्षदेखि विद्युत बन्द हुँदा यसका प्रसारण लाइनको र घर घरमा लिईएका तारहरुलाई तानेर गाईवस्तु बाँध्नका घर घरमा दाम्लो र अन्य प्रयोजनका रुपमा प्रयोग गरिएको छ । जिल्लावासी भन्छन सायद यसरी विद्युतका तारहरु दाम्लो बनाउने पनि पहिलो हो ।

    एकातिर स्थानीय स्वामित्व, अर्कातिर प्राविधिक समस्या र झनै बजेट हिनामिनाको मारमा परेरकाले बिजुलीको तार तानेर दाम्लो बनाएको स्थानीयबासीहरु बताउँछन ।

    टल्की आयोजनाबाट बिजुली बाल्ने करीब तीन हजार स्थानीयवासी सल्लाको दियालो अर्थात् झरो बाल्न बाध्य छन् । साथै अन्धकारमा बस्न पनि बाध्य भएका छन् । यसले जिल्लाकै प्रतिष्ठामा प्रश्न उठाएको छ । यो निकै सोचनिय पक्ष भए पनि राजनीतिक दलका स्थानीय कार्यकर्ताहरुको खिचातानी र जस लिने दाउको शिकार भएको स्थानीयबासीहरुको बुझाई रहेको छ । स्थानीयवासी यस आयोजनाका समस्याहरुमाथि माथिबाटै ध्यान दिएर समाधान हुनुपर्ने र छिटो बत्ती बाल्न पाउनुपर्ने बताउँछन् । साथै माथिका सरोकारवाला निकायको छिट्टै ध्यान जाओस भन्ने कामना पनि गर्दछन् ।

    प्रतिकृया दिनुहोस्

    इवामुरा अस्पतालको लापरवाहीले गयो ज्यान, घटना गुपचुप

    भक्तपुर-१ स्थित डा इवामुरा स्मृती अस्पतालको लापरवाहीले फेरिपनि एकजनाको ज्यान गएको तथ्य बाहिर आएको छ...

    भक्तपुर आएर पूर्व अर्थमन्त्री पुनले भने, ‘नेताहरु शिशाको घरमा छन्’

    पूर्व अर्थमन्त्री एवं नेकपा(माओवादी केन्द्र)का उपमहासचिव वर्षमान पुन अनन्तले राजनीतिक दलका नेताहरु शिशाको घरमा रहेका...

    भक्तपुर जिल्ला अदालतका ३ हजार ६ सय ८१ मुद्दा फर्छ्यौट

    भक्तपुर जिल्ला अदालतमा एक वर्षमा ३ हजार ६ सय ८१ मुद्दा फर्छ्यौट गरिएको बताइएको छ...

    एसईईमा राम्रो नतिजा ल्याउने विद्यार्थी र विद्यालयलाई एनप्याब्सन भक्तपुरको अभिनन्दन

    नेसनल प्याव्सन भक्तपुरले आफ्ना सदस्य विद्यालयहरुबाट यस वर्षको माध्यमिक शिक्षा उतीर्ण परीक्षा (एसईई) मा सम्मिलित...

    प्रधानमन्त्री ओलीसहित २१ मन्त्रीले लिए सपथ

    प्रधानमन्त्री केपी शर्मा ओलीले प्रधानमन्त्रीको शपथ लिएका छन् । सोमबार राष्ट्रपति कार्यालय शीतल निवासमा आयोजित...