News Portal

  • मन्त्री दुलालद्वारा भक्तपुर अस्पतालको आइसोलेसन सेन्टर अनुगमन, ५ सय वेडको बनाउन निर्देशन

    भक्तपुरपोस्ट संवाददाता भक्तपुर, ६ भदौं
    ३६४८ पटक
    भक्तपुर, ६ भदौं

    बागमती प्रदेश सरकारका सामाजिक विकास मन्त्री युवराज दुलाल ‘शरद’ ले भक्तपुर स्थित आइसोलेसन सेन्टरको अनुगमन गरेका छन् । कोभिड १९ बिरामीको उपचार गर्न प्रदेश मन्त्रालय मातहतको भक्तपुर अस्पतालले तयार पारेको आइसोलेसन सेन्टरको मन्त्री दुलालले अनुगमन गरेका हुन् ।

    शनिवार बिहान उनले दुधपाटीस्थित भक्तपुर अस्पताल परिसर र खरिपाटीस्थित विद्युत प्राधिकरणको तालिम केन्द्रमा बनाइएको आइसोलेसन सेन्टरको अनुगमन गरेका थिए । अस्पतालका अध्यक्ष मिलन सुवाल र मेडिकल सुपरिटेण्डेण्ट डा सुमित्रा गौतमले मन्त्री दुलाललाई दुधपाटी र खरीपाटीस्थित आइसोलेसन सेन्टरको स्थलगत अवलोकन गराएका हुन् ।

    उक्त अवसरमा अध्यक्ष सुवालले प्रदेश सरकारको निर्देशन बमोजिम दुधपाटीमा ३० वेड र खरीपाटीमा २०८ बेड गरी २३८ वेड तयार गरिएको जानकारी गराएका थिए । आइसोलेसन सेन्टरमा हाल १२ जना कोभिड १९ संक्रमित बिरामीहरुको उपचार भैरहेको समेत सुवालको भनाइ छ । दुधपाटीस्थित अस्पतालमा ४ जना र खरीपाटीस्थित आइसोलेसन सेन्टरमा ८ जना बिरामी राखिएको उनले बताएका हुन् ।

    उक्त अवसरमा मेसु डा सुमित्रा गौतमले आइसोलेसन सेन्टरमा रहेका कोभिड १९ संक्रमितहरुको अवस्था र उपचार प्रक्रियाबारे मन्त्री दुलाललाई ब्रिफिंग गरेकी थिइन् । अस्पतालले आफ्ना सबै ओपिडी सेवा स्थगित गरी कोभिड १९ उपचारमा केन्द्रित भएको भन्दै उनले यस विषम परिस्थितिमा आफूहरु उच्च मनोबलसाथ कोभिड १९ संक्रमितको उपचार सेवामा समर्पित भएको भनेकी थिइन् ।

    स्थलगत अवलोकन पछि मन्त्री दुलालले भक्तपुर अस्पतालले तयार पारेको आइसोलेसन सेन्टरले कोभिड १९ संक्रमित बिरामीलाई उपचारमा सहज हुने बिश्वास व्यक्त गरे । उनले वेड थप गरी आइसोलेसन सेन्टरलाई तत्काल ५ सय बेडमा बिस्तार गर्न निर्देशन दिंदै कोही पनि संक्रमित उपचार सेवाबाट बन्चित हुने अवस्था आउन नदिन सचेत गराए । सानो लडाईमा पनि ठूलो खजाना बोकेर हिड्नुपर्ने आवश्यकता औल्याउदै मन्त्री दुलालले कोभिड १९ को सम्भावित संक्रमणको अवस्थालाई ध्यानमा राखी आइसोलेसन बेड यथासक्य बढाउनुपर्ने बताएका हुन् ।

    कोभिड १९ बिरुद्धको लडाइमा स्वास्थ्यकर्मीहरु सेनाको भूमिकामा भएको भन्दै उनले कोभिड १९ संगको लडाई जित्न स्वास्थ्यकर्मीहरुमा साहस र दुरदर्शीता हुनुपर्नेमा जोड दिएका थिए । कोभिड १९ संगको लडाईमा बजेटको चिन्ता नगर्न आस्वासन दिंदै उनले स्वास्थ्यकर्मीहरुका गुनासा र समस्याप्रति पनि सरकार सचेत रहेको र उनीहरुलाई उच्च मनोबलका साथ् काम गर्ने बातावरण बनाउने प्रतिबद्धता प्रकट गरेका थिए ।

    उक्त अवसरमा मन्त्री दुलालले अस्पताल सघन उपचार कक्ष (आइसीयु) संचालनमा सक्षम भएकोमा बर्तमान नेतृत्व र अस्पताल परिवारप्रति सन्तोष व्यक्त गरेका थिए । गत फागुनमा उनले अस्पताललाई आइसीयुयुक्त बनाउने प्रतिबद्धता प्रकट गरेसंगै तीन वटा भेन्टिलेटरसहित ५ बेडको आइसीयु कक्ष तयार भएको छ भने त्यसका लागि आवस्यक जनशक्ति यसै महिना पदपूर्ती गरिसक्ने गरी बिज्ञापन भैसकेको छ । तत्कालका लागि भने आफ्नो उपलब्ध जनशक्ति र मानव अंग प्रत्यारोपण केन्द्र तथा भक्तपुर क्यान्सर अस्पतालका डाक्टर समेत प्रयोग गर्नेगरी आइसीयु संचालन भएको मेसु सुमित्रा गौतमले जनाएकी छन् । मन्त्री दुलालले थप २ भेन्टिलेटर समेत प्रदेश सरकारले भक्तपुर अस्पताललाई छुट्याइसकेको जानकारी दिंदै केहि दिन भित्रै ती भेन्टिलेटर उपलब्ध हुने बताएका छन् । अस्पताललाई दक्ष जनशक्ति र उपकरणयुक्त बनाउन प्रदेश सरकारले सक्दो सहयोग गरिरहने उनको भनाइ छ ।

    वीर अस्पताल पछिको दोश्रो पुरानो अस्पताल भएपनि भौतिक पूर्वाधार र मेडिकल सुविधाको हिसावले पछि पारिएको र सरकारी अस्पतालको रुपमा भक्तपुरमा समेत हेपिएको भक्तपुर अस्पताल यतिबेला वर्तमान अस्पताल विकास  समितिको कुशल नेतृत्व र अस्पतालको योग्य प्रशासनिक नेतृत्वका कारण कोभिड १९ बिरुद्ध सशक्त भूमिकामा रहेर भक्तपुरवासीको स्वास्थ्य सुरक्षाको लागि अहोरात्र लागिपरेको छ ।अस्पताल संचालनको ११६ वर्षपछि यस अस्पताल आइसीयु सेवा दिन समेत सफल भएको छ । यसको सफलताको प्रत्येक पाइलामा अस्पताल नेतृत्वका साथै प्रजिअ हुमकला पाण्डे, भक्तपुर नगरपालिका, जिल्ला समन्वय समिति र बागमती प्रदेश सरकारका सामाजिक विकास मन्त्री युवराज दुलाल ‘शरद’ को सकारात्मक पहल जोडिएको देखिन्छ ।

    प्रतिकृया दिनुहोस्

    भक्तपुर आए आधा दर्जन सहसचिव

    भक्तपुर । नेपाल प्रशासनिक प्रशिक्षण प्रतिष्ठानका प्रशिक्षार्थी रहेका निजामती सेवाका सहसचिवहरुले भक्तपुर नगरपालिकाको अध्ययन भ्रमण...

    बनेपाको अग्नी सहकारी पीडितलाई उजुरी गर्न एक हप्ताको समय

    काभ्रेपलाञ्चोक । काभ्रेपलाञ्चोकको बनेपा नगरपालिका–८ सिनागालमा अवस्थित ‘अग्नी बचत तथा ऋण सहकारी संस्था लिमिटेड’सँग सम्बन्धित...

    इप्सन भक्तपुरको वादविवादमा यी भए अगाडि

    भक्तपुर । शिक्षा अब केवल परीक्षाको अङ्कमा मात्र सीमित रहेन, तर्क, विचार र अभिव्यक्तिको पनि...

    ललितपुरमा राधा–लक्ष्मण क्रियाशील पत्रकारिता पुरस्कार स्थापना

    ललितपुर, २२ साउन २०८२ । नेपाल पत्रकार महासंघ, जिल्ला शाखा ललितपुरले पत्रकारितामा सक्रिय योगदान पुर्‍याउने...

    मध्यपुर थिमिमा जेष्ठ नागरिक र गर्भवतीलाई नि:शुल्क वडागत स्वास्थ्य सेवा शुरु

    भक्तपुरको मध्यपुर थिमि नगरपालिकाले जेष्ठ नागरिक र गर्भवती महिलाहरुको लागि नि:शुल्क वडागत स्वास्थ्य सेवा शुभारम्भ...