भक्तपुर । शनिवार भक्तपुरमा अहिलेसम्मकै बढी कोरोना संक्रमित थपिएका छन् । आज भक्तपुरमा ५० नयाँ संक्रमित थपिएका हुन् । यो अहिले सम्मकै बढी हो ।

भक्तपुरमा ५० सँगै काठमाडौं उपत्यकामा थप २१६ जना कोरोना संक्रमण देखिएको छ। स्वास्थ्य तथा जनसंख्या मन्त्रालयका अनुसार काठमाडौंमा १६० जना र ललितपुरमा ६ जनामा संक्रमण पुष्टि भएको हो । भक्तपुरमा मात्रै होइन् उपत्यकामा नै संक्रमण देखिएको सो संख्या अहिलेसम्मको उच्च हो।

पछिल्लो विवरण अनुसार कोरोना संक्रमणबाट ९ जनाको मृत्यु भएको छ । जसमा सुनसरीमा २ जना, पर्सामा ३ जना, बारामा १ जना, सिराहामा १ जना, मकानपुरमा १ जना, भक्तपुरमा १ जनाको मृत्यु भएको छ।

यो सँगै नेपालमा कोरोना संक्रमणबाट १ सय ४६ जनाको मृत्यु भएको छ।पछिल्लो २४ घन्टामा ६ सय ३४ जना नयाँ कोरोना संक्रमित थपिएका छन।