पछिल्लो २४ घन्टामा भक्तपुरमा १४ सहित काठमाडौं उपत्यकामा २३२ जना कोरोना संक्रमित थपिएका छन् ।

स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले उक्त जानकारी गराएका हुन्। गाैतमका अनुसार भक्तपुरमा १४,ललितपुरमा १९ र काठमाडौंमा १९९ गरी २३२ जना कोरोना संक्रमित थपिएका हुन् ।

योसँगै उपत्यकामा कोरोना संक्रमितको संख्या करिब ३७ सय पुगेको छ। जसमध्ये भक्तपुरमा मात्र संक्रमितकाे संख्या भने ३ सय जना रहेकाे छ । स्वास्थ्य तथा जनसंख्या मन्त्रालयकाकाे रेकर्डमा हालसम्म भक्तपुरमा संक्रमित हुनेकाे संख्या ३ सय भएपनि जिल्ला स्वास्थ्य कार्यालय भक्तपुरका प्रमुख कृष्णबहादुर मिजारले भने भक्तपुरमा संक्रमित हुनेकाे संख्या ३ सय नपुगेकाे जिकिर गरेका छन् ।

देशभर हालसम्म ३३ हजार ५ सय बढीकाे संख्यामा मानिसहरु काेराेना संक्रमित भएपनि १९ हजार बढी संक्रमितहरु संक्रमणमुक्त भएर घरमा रहेका र बाँकी आइसाेलेसनमा उपचाररत छन्। नेपालमा कोरोनाबाट ज्यान गुमाउनेको संख्या १६४ रहेकाे छ । पछिल्लो २४ घण्टामा देशभर ७ जनाकाे मृत्यु भएसंगै मृतककाे संख्या १६४ पुगेकाे स्वास्थ्य तथा जनसंख्या मन्त्रालयले जनाएकाे हाे ।