एकसाता अघिदेखि आज राती १२ बजेसम्मका लागि उपत्यकामा लागू भएको निषेधाज्ञा पुन: एकसाताका लागि थप भएको छ । गत १ गतेदेखि लागू बहेको निषेधाज्ञा १७ गते राती १२ बजेसम्मका लागि कायम गरिएको हो ।

उपत्यकाको तीनै वटा जिल्लामा प्रमुख जिल्ला अधिकारीहरूको आदेशद्वारा निषेधाज्ञाको अवधी थपिएको छ । गत साता १७ बुँदे निषेधाज्ञा जारी गरेकी भक्तपुरकी प्रमुख जिल्ला अधिकारी हुमकला पाण्डेले आज २० बुँदे निषेधाज्ञा जारी गर्दै एकसाताको अवधी थप गरेकी हुन् ।

आज बुधबार राती १२ बजेदेखि भदौ १७ गते राती १२ बजेसम्म एकसाताको लागि निषेधाज्ञा लागू हुने उनको आदेशमा उल्लेख छ ।

संक्रामक रोग ऐन, २०२० को दफा २ एवं स्थानीय प्रशासन ऐन, २०२८ को दफा ६(३) बमोजिम बमोजिम निषेधाज्ञा जारी भएको र त्यसको उल्लङ्घन गर्ने जो कोही कारवाहीको भागीदार हुने प्रजिअ पाण्डेले भनेकी छन् ।

राती १२ बजे देखि एकसाता अत्यावश्यक सेवा भनी तोकिएका बाहेक कार्यालय, व्यवसाय र सवारी साधन समेत संचालन गर्न पाइँने छैन । खाद्यान्न ढुवानी, स्वास्थ्य सेवा र सुरक्षाजस्ता सेवालाई भने अत्यावश्यक सेवा मानि संचालनमा रोक लगाइएको छैन ।अत्यावश्यक बस्तु खरिद्बिक्रीका लागि भने बिहान सवा ९  बजेसम्मको समय तोकिएको छ ।

 हेर्नुस् २० बुँदे निषेधाज्ञा