भक्तपुरपोस्ट संवाददाता भक्तपुर, ११ भदौ
भक्तपुर, ११ भदौ भक्तपुरमा ४१ सहित काठमाडौं उपत्यकामा ३७७ जना कोरोना संक्रमित थपिएका छन् । यो संगै नेपालमा कोरोना संक्रमितको संख्या ३५ हजार ५२९ पुगेको छ ।
स्वास्थ्य तथा जनसंख्या मन्त्रालयले जानकारी गराए अनुसार आज देशभर १ हजार १ सय ११ जनामा कोरोना संक्रमण पुष्टि भएको हो । जसमा काठमाडौं उपत्यकामा ३७७ जना कोरोना संक्रमित छन् ।
काठमाडौं उपत्यकामा थपिएका मध्ये भक्तपुरमा ४१, ललितपुरमा ६६ र काठमाडौंमा २७० जना रहेका छन् ।
त्यसैगरी कोरोना संक्रमणबाट थप ८ जनाको मृत्यु भएसँगै नेपालमा कोरोनाबाट मृत्यु हुनेको संख्या १८३ पुगेको मन्त्रालयले जनाएको छ । पछिल्लो २४ घन्टामा देशभर ५ सय ६९ जनाले कोरोनामाथि विजय प्राप्त गरेका छन्। योसँगै डिस्चार्ज हुनेको सङ्ख्या २० हजार ७३ पुगेको छ।