News Portal

  • २२ हजार भन्दा बढी नेपालका सरकारी कर्मचारीहरु भारतीय जागिरे : बिजुक्छें

    हिना सुवाल / भक्तपुरपोस्ट भक्तपुर, १२ भदौ
    ४२९० पटक
    भक्तपुर, १२ भदौ

    नेपाल मजदुर किसान पार्टीका अध्यक्ष नारायणमान बिजुक्छे ‘रोहित’ ले २२ हजार भन्दा बढी नेपालका सरकारी कर्मचारीहरु भारतको पनि तलब लिएर देशघाती कार्य गरिरहेको आरोप लगाएका छन् । नेपाल मजदुर किसान पार्टीको विद्यार्थी संगठन नेपाल क्रान्तिकारी विद्यार्थी संघ केन्द्रीय समितिको आयोजनामा ‘राज्यस्तरबाट रचित भक्तपुर काण्ड’ विषयक प्रवचन कार्यक्रमलाई अनलाइन जुममार्फत सम्बोधन गर्दै उनले उक्त आराेप लगाएका हुन् ।

    उक्त अवसरमा अध्यक्ष बिजुक्छेले नेपालको खुल्ला सीमाना भएको भन्दै विदेशी जासुसहरु र पञ्चहरु नेपालका प्रमुख दलहरुमा भएको कारण शासक दलहरुले देश र जनताको सुरक्षा र सेवा गर्न नसक्ने दावी गरे । अध्यक्ष बिजुक्छेले भारतले हाम्रो खुट्टा बाँधेको र यदि एमसिसि पास भएमा अमेरिकाले पनि हाम्रो खुट्टा बाँध्ने बताउदै दुबैले तान्दा नेपालको हविगत नाजुक हुने बिचार व्यक्त गरे ।

    बिहीवार जुम मार्फत सम्बोधन गर्दै नेपाल मजदुर किसान पार्टीका केन्द्रीय अध्यक्ष नारायणमान बिजुक्छेँ (रोहित)ले तत्कालिन सरकारले भक्तपुर काण्डमा पञ्चायतले योजनाबद्ध तरिकाले षड्यन्त्र रचेको बताउदै सर्जमिन एकतर्फी गरिएको र जिल्ला अदालतमा मुद्दा नगरी विशेष अदालतमा गरिनु संविधान र ऐनकानून विपरित भएको जानकारी गराए ।

    ३२ वर्ष अघि २०४५ भदौ ९ गते पञ्चायती सरकारले नेमकिपाका अध्यक्ष नारायणमान बिजुक्छें (रोहित) लगायत ६७ जना नेता तथा कार्यकर्ताविरूद्ध राष्ट्रिय पञ्चायत सदस्य कर्ण ह्योजू हत्या आरोपमा मुद्दा लगाएको थियो । त्यो काण्ड भक्तपुर काण्डको रुपमा चर्चित रहेको छ ।

    उनले त्यतिबेला पञ्चायतले नेमकिपाका नेता–कार्यकर्ताहरुलाई युद्धबन्दीको जस्तो दुर्व्यवहार गरेको स्मरण गर्दै तत्कालिन सरकार प्रमुख र मन्त्रीलगायतका उच्च पदस्थहरुले नै “रोहितलाई फाँसी दे” भन्दै जुलुशमा नारा लगाउनु भत्र्सनायोग्य भएको बताए ।

    उनले नेमकिपाले देश र जनताको निःस्वार्थ सेवा गरेको कारण त्यसलाई रोक्ने उद्देश्य लिएर त्यतिबेला पंचायतले षड्यन्त्र गरेको जिकिर गरे । कम्युनिष्ट पार्टीविरुद्ध बेलायत, फ्रान्स, रुस, जर्मनी, अमेरिकालगायतका देशहरुमा पनि षड्यन्त्र भएको र नेपालाम नेमकिपा त्यसको सिकार भएको इतिहास उनले सुनाए ।

    नेपालमा बिग्रेको मल आयात गर्ने मन्त्रीहरुलाई फाँसी दिनुपर्ने बताउदै उनले ठेक्का पट्टा र गुन्डागर्दीबाट युवा–विद्यार्थीलाई टाढा राख्नुपर्ने र स्वयम्सेवक भई काम गर्नपर्नेमा जोड दिए ।

    जुम कार्यक्रममा नेक्राविसंघ केन्द्रीय सदस्य सरजु फसिकवाले भक्तपुर काण्डको घटनाक्रम र नेमकिपाको सङ्घर्षबारे प्रस्तुती दिएका थिए ।

    नेक्राविसंघ केन्द्रीय समितिका अध्यक्ष सबिन ख्याजूको सभापतित्वमा भएको उक्त कार्यक्रममा समितिका उपाध्यक्ष प्रकाश गुरुङ र सदस्य मिलन गणेजूले पनि बिचार व्यक्त गरेका थिए ।

    प्रतिकृया दिनुहोस्

    आदर्शस्थित औषधी पसलमा आगलागी, लाखौंको क्षती

    भक्तपुरको सूर्यविनायक नगरपालिका आदर्श चोक स्थित एक औषधी पसलमा एकाबिहानै आगलागी भएको छ । इन्द्र...

    राधेराधेस्थित हनुमन्ते खोलामा स्कुटी सहित मानिस मृत फेला

    भक्तपुरको राधेराधेस्थित हनुमन्ते खोलामा स्कुटी सहित एकजना व्यक्ति मृत अवस्थामा फेला परेका छन । मध्यपुर...

    मध्यपुर थिमिमा ब्लड बैंक स्थापना हुने, लायन्स क्लवले १ करोड ३२ लाख सहयोग गर्ने

    मध्यपुर थिमि नगरपालिकाले संचालन गरेको नेपाल कोरिया मैत्री नगरपालिका अस्पतालमा ब्लड बैंक स्थापनाका लागि लायन्स...

    बालकोट बस्ने ३२ वर्षिया बुढाथोकी पक्राउ

    उदयपुरको त्रियुगा नगरपालिका वडा नं. ३ घर भई हाल भक्तपुरको सूर्यविनायक नगरपालिका वडा नम्बर-१ बालकोट...

    नयाँ सत्ता समीकरणसंगै तीन मन्त्रीले लिए सपथ

    नयाँ सत्ता समीकरण संगै तीन मन्त्रीले सपथग्रहण गरेका छन् । प्रधानमन्त्री पुष्पकमल दाहाल प्रचण्डको सिफारिसमा...