वरिष्ठ बालरोग विशेषज्ञ समेत रहेका गीतकार डा.ध्रुव श्रेष्ठद्वारा रचना गरिएको नयाँ गीत ‘तिम्रो आँखाको भाकामा’ सार्वजनिक भएको छ । गीतलाई ओएसआर डिजिटलको यूट्युब च्यानलबाट सार्वजनिक गरिएको हो

गायक सनूप पौडेलको सुमधुर स्वरमा सजिएको उक्त गीतलाई सुमन रंजीतकारले संगीत भरेका छन् ।

यो गीतको म्युजिक भिडियोमा रचनाकार डा श्रेष्ठ तथा उनकी धर्मपत्नी सरु बुढाथोकीलाई मुख्य भूमिकामा देख्न सकिन्छ ।गीतकार डा.श्रेष्ठ सिद्धि स्मृति महिला तथा बाल अस्पताल र भक्तपुर जनस्वास्थ्यका वरिष्ठ बालरोग विशेषज्ञ हुन् । यो गीतको म्युजिक भिडियोलाई जीवन आचार्यले निर्देशन गरेका छन् ।

गीतकार डा.श्रेष्ठले यो गीतलाई केहि वर्षअघि आफ्नी जीवन संगीनिलाई प्रेम अभिव्यक्त गर्नका लागि कविताको रुपमा रचना गरेको बताए । उनका अनुसार केही समय अघि साथीहरु सामु त्यही कवितालाई पाठ गर्दा संगीतकार सुमन रंजीतकारले यसलाई संगीतबद्ध गर्ने प्रस्ताव गरेपछि यो गीत बनेको हो ।

शाष्त्रिय र पूर्वीय संगीतको संमिश्रण सहित संगीत संयोजक बिबेक शाक्यले गीतमा पृथक स्वाद दिने प्रयास गरेका छन् । गीतकार डा. श्रेष्ठ तथा संगीतकार एवं संगीत संयोजक बिबेक शाक्य भक्तपुर सांगीतिक समाजसंग आबद्ध रहेका अल्बर्ट बज्राचार्यले बताए ।

हेर्नुस् गीत