भक्तपुरपोस्ट संवाददाता भक्तपुर, १३ भदौ
भक्तपुर, १३ भदौ शनिवार भक्तपुरमा १२ जना संक्रमित थपिएका छन् । शुक्रवार थपिएका संक्रमितको तुलनामा यो संख्या न्यून हो । शुक्रवार ५४ संक्रमित थपिएका थिए ।
स्वास्थ्य मन्त्रालयका प्रवक्ता डा. जागेश्वर गौतमले दिएको जानकारी अनुसार काठमाडौंमा १ सय ५५ ललितपुर १९ र भक्तपुरमा १२ गरी उपत्यकामा १ सय ८६ जनामा संक्रमण पुष्टि भएको छ ।
यो संगै देशभर १० हजार १ सय ४५ संक्रिय संक्रमित थपिएका छन् र कूल संक्रमित संख्या ३७ हजार ३ सय ४० पुगेको बताइएको छ ।
शनिबार देशभर ३ सय १३ जना संक्रमण मुक्त भएका छन् । याे सँगै कोरोना संक्रमणमुक्त हुनेको संख्या २० हजार ५ सय ५५ पुगेको छ।