पछिल्लो २४ घन्टामा कोरोना संक्रमणको कारणले १२ जनाले ज्यान गुमाएका छन् । जसमा भक्तपुरका दुइ जनाको पनि ज्यान गएको छ ।

शुक्रवार साँझ भक्तपुर अस्पतालमा निमोनियाको उपचार गर्न आएका ८२ वर्षीय स्थानीय एक पुरुषमा मृत्यु पश्चात कोरोना पोजेटिभ पाइएको थियो । त्यसैगरी कोरोना पुष्टि भै पाटन अस्पतालमा उपचार गराइरहेकी भक्तपुरकी ६२ वर्षीया महिलाको पनि शनिवार बिहान मृत्यु भएको हो ।

पछिल्लो विवरण अनुसार भक्तपुरमा छ जनाले कोभिड१९ का कारण ज्यान गुमाएका छन् जसमध्ये दुइजनामा मृत्युपछि कोभिड १९ पुष्टि भएको हो । देशभर संक्रमणबाट मृत्यु हुनेको संख्या २ सय ७ पुगेको स्वास्थ्य मन्त्रालयका प्रवक्ता डा. जागेश्वर गौतमले जानकारी दिएका छन् ।