सरकारी स्वामित्वमा रहेको नेपाल टेलिभिजनको भक्तपुर समाचारदातामा क्रियाशील पत्रकार जयराम बास्तोला नियुक्त भएका छन् । नेपाल टेलिभिजनले पत्रकार बास्तोलालाई नयाँ नियुक्ति दिएको हो ।

तत्कालिन समाचारदाता सोम शर्मा बजगाई डिभी परेर अमेरिका गएपछि उक्त पद रिक्त रहेको थियो । भक्तपुर समाचारदातामा बास्तोलाले नियुक्ति पाएको एनटिभीले पुष्टि गरेको छ ।

पत्रकार बास्तोला बिगत एक दशकदेखि भक्तपुरमा रहेर पत्रकारितामा क्रियाशील छन् । यस अघि इमेज च्यानल, प्राइम टीभी लगायत मिडियामा उनले सक्रिय पत्रकारिता गर्नुका साथै एनटिभीमा समेत समाचार दिने गर्दथे । पत्रकार बास्तोला प्रेस संगठनसंग आवद्ध छन् भने उनी नेपाल पत्रकार महासंघ, भक्तपुर शाखाका कार्यसमिति सदस्य समेत हुन् ।