चागुँनारायण, १६ भदौबोजिनी ड्याममा डुबेर बेपत्ता एक युवकको मृत अवस्थामा शव फेला परेको छ । सोमबार दिउसो बेपत्ता उनको शव मंगलवार फेला परेको हो ।
साेमबार दिउसाे चाँगुनारायण ८ सुडालकाे बोजिनीस्थित पानी जमाइएकाे बोजिनी ड्याममा पौडी खेल्ने क्रममा एक युवक बेपत्ता बनेका थिए । उनलाई उद्दार गर्न प्रहरी पुगेको भएपनि फेला पार्न सकेको थिएन । मंगलवार उनको शव फेला परेको महानगरीय प्रहरी परिसर भक्तपुरका प्रवक्ता दिपक गिरीले जानकारी दिए ।
मृतक पाँचथर तुम्बेवा गापा ४ घर भई हाल हाल सुडाल बस्ने बर्ष २५ को अमन लिम्बु भनिने योगेन्द्र लिम्बु सावा भएकाे प्रहरीकाे भनाइ छ । महानगरीय प्रहरी परिसर भक्तपुरका प्रमुख रहेकी एसपी तारा देबी थापा, विरदल गणका गणपति शिब प्रसाद पौडेल, शसस्त्र प्रहरी बल नेपाल २० नं गण बिपद ब्यवस्थापन सिनामंगलबाट खटि आएको उद्दार टोली तथा दुवाकोट गणका गणपति एसपी न्याैपाने समेत सहभागी टाेलीले लिम्बुकाे शव फेला पारेकाे हाे ।
ड्यामकाे लेदोमा गाडीएको अवस्थामा शव फेला पारी पोष्टमार्टमको लागी केएमसी अस्पताल दुवाकोट पुर्याइएकाे प्रहरीकाे भनाइ छ । मृतक लिम्बुसगै पौडी खेल्न गएका प्रकाश लिम्बुलगायत मानिसहरुसंग सोधपुछ गरी थप अनुसन्धान कार्य भईरहेको महानगरीय प्रहरी परिसर भक्तपुरले जनाएकाे छ ।