उपत्यका नगरपालिका फोरमका अध्यक्ष समेत रहेका काठमाडौं महानगरका मेयर बिद्यासुन्दर शाक्यमा कोरोना संक्रमण पुष्टि भएपछि उक्त फोरमका सचिव समेत रहेका मध्यपुर थिमि नगरपालिकाका मेयर मदन सुन्दर श्रेष्ठले समेत आफ्नो स्वाब परिक्षण गराएका छन् । उनको पिसिआर रिपोर्टमा कोरोना नेगेटिभ पाईएको छ ।

उपत्यका नगरपालिका फोरमका सचिव समेत रहेका मेयर श्रेष्ठ महानगरका मेयर शाक्यसंग प्रत्यक्ष सम्पर्कमा रहेका थिए । उक्त फोरमले आयोजना गर्ने बैठक लगायत कोरोना रोकथाम र नियन्त्रणको रणनीति बनाउन कयौं पटक उनीहरु संगै बसेका थिए । सोमबार मेयर शाक्यलाइ कोरोना संक्रमण भएकाे पुष्टि भएपछि मध्यपुरका मेयर श्रेष्ठले पनि कोरोना परिक्षण गराएका हुन् ।

कोरोना परिक्षण गर्न आफ्ना शुभचिन्तकहरुले सुझाव दिए पछि आफूले परिक्षण गराएको र रिपोर्टमा कोरोना नेगेटिभ देखिएको मेयर श्रेष्ठले जानकारी दिए । नगरपालिकाद्वारा नै संचालित कोरिया नेपाल मैत्री नगरपालिका अस्पतालमा स्वाब परिक्षण गर्दा उनको रिपोर्टमा कोरोना भाइरस नेगेटिभ पाइएको हो ।