भक्तपुरपोस्ट संवाददाता भक्तपुर, १७ भदौ
भक्तपुर, १७ भदौ बुधबार भक्तपुरमा ९ जना कोरोना संक्रमित थपिएका छन् । काठमाडौं उपत्यकामा थप ३८८ जनामा संक्रमण पुष्टि हुँदा भक्तपुरका ९ जना परेका हुन् ।
बुधबारको नियमित प्रेस ब्रिफिङमा स्वास्थ्य मन्त्रालयका प्रवक्ता डा जागेश्वर गौतमले भक्तपुरमा ९,ललितपुरमा २९ र काठमाडौंमा ३५० गरी कूल ३८८ जनामा संक्रमण पुष्टि भएको जानकारी दिए । योसँगै कोरोना संक्रमितको संख्या भक्तपुरमा ५५६, ललितपुरका ७७२ र काठमाडौंमा ५२६५ पुगेको बताइएको छ ।
प्रवक्ता डा जागेश्वर गौतमका अनुसार देशभर आज ११२० जना संक्रमित थपिएसंगै कूल संक्रमितको संख्या ४१ हजार ६४९ पुगेको छ भने कूल संक्रमित मध्ये हालसम्म २३ हजार २९० उपचारपछि निको भएका भनिएको छ ।